فوجی یا عدالتی مارشل لاء مک دے مفاد اچ کینی، رضا ربانی
کراچی(سرائیکی نیوز۔ فیصل شہزاد چغتائی) پیپلز پارٹی دے سینئر رہنما تے سابق چیئرمین سینیٹ میاں رضا ربانی نے آکیا ھِ کہ مارشل لا فوجی ہووے یا عدالتی او ملکی مفاد اچ کینی ، ١٨ ویں ترمیم کوں واپس گھن دی گالیں کیتیاں ویندیاں پیاں ھن موجودہ حالات اچ ایں ترمیم دی واپسی خطرناک تھئی سکدی ھِ ، وفاقی وزیر سینیٹر میر حاصل کان بزنجو نے آکھیا ھِ کہ میکوں کہیں نے آکھے کہ رضا ربانی کوں گھن تے آؤ تے چیئرمین بنڑا ݙیندے ھیں میں جواب ݙیتا کہ او اسعفی ݙے ݙیسن لیکن پارٹی نی چھوڑ سکدے، معاشرے کوں چنگے لوگاں دی تلاش جتنی اج ھِ اتنی ماضی اچ نا ھائی نوجوان تبدیلی دے ناں تے عمران خان جیاں دے پچھوں ٹر پوندن، مسلم لیگ ن دے رہنما شاہ محمد شاہ نے آکھیا ھِ اساں رضا ربانی کوں چیئرمین سینیٹ کیت ایں واسطے نامزد کیا ھا کہ انہاں دی جمہوریت واسطے لا زوال خدمات ھن انہاں خیالات دا اظہار انہاں ای ںہفتے کوں آرٹس کونسل آف پاکستان کراچی دی طرفں جام ساقی دی یاد اچ تقریب نال خطاب کریندے کیتا۔
