بلاول دی ہدایت تے سندھ حکومت نے دعوت اسلامی کوں ١٥٠ ایکڑ زمین الاٹ کرݨ دے اقدامات ڊا آغاز کر ݙیتا
کراچی(سرائیکی نیوز۔جلیل احمد لاشاری) پاکستان پیپلز پارٹی دے چیئرمین بلاول بھٹو زرداری دی ھدایت تے سندھ حکومت دی طرفوں دعوت اسلامی کوں اسلامک یونیورسٹی دے قیام کیتے ١٥٠ ایکٹر زمین الاٹ کرݨ دے اقدامات ڊا آغاز کر ݙیتا گئیا ۔ وزیر اعلی سندھ سید مراد علی شاہ نے پیپلز پارٹی دے چیئرمین بلاول بھٹو زرداری دے حکم تے دعوت اسلامی ٹرسٹ کوں کراچی ءچ یونیورسٹی دے قیام کیتے ١٥٠ ایکڑ رفاحٰ زمین الاٹ کرݨ دی ھدایت کر ݙیتی ھِ ایں سلسلے ءچ وزیر اعلی سیکریٹریٹ دی طرفوں ھک لیٹر سینئر ممبر بورڈ آف ریونیو کوں جاری کر ݙیتا گئیا ھِ
سندھ حکومت دی طرفوں ملن والی زمین تے دعوت اسلامی ٹرسٹ دی طرفوں دارالمدینہ انٹرنیشنل یونیورسٹی قائم کیتی ویسی۔ وزیر اعلی سیکریٹریٹ دی طرفوں ایں ضمن ءچ بورڈ آف ریونیو کوں لکھے گئے لیٹر ءچ پیپلز پارٹی دے چیئرمین بلاول بھوٹو زرداری دی طرفوں مذکوری منصوبے کیتے زمین فراہم کرݨ دے اعلان دا ذکر وی کیتا گئیا ھِ
بلاول بھٹو زرداری تے وزیر اعلی سندھ مراد علی شاہ نے گزرن ڈینھوار کراچی ءچ دعوت اسلامی دے مرکز دا دورہ وی کیتا ھا جیندے دوراں انہاں نے تنظیم دے سرکردی بندیاں نال ملاقات کیتی ھائی۔
واضح رھاوے کہ گزرن سال وی بجٹ منیجر پختونخواہ حکومت دی طرفوں جامعہ حقانیہ اکوڑہ خٹک کیتے ٣٠ کروڑ روپے دے فنڈز مختص کیتے گئے ھن پی ٹی آئی دا موقف ھا کہ او مدارس کوں مرکزی دھارے ءچ گھن تے آون چاھندی ھِ تے اتھاں دینی دے نال نلا جدید علوم شروع کراوݨ چاھندی ھِ
تحریک انصاف دے ایں اقدام کوں مسلم لیگ ن تے بالخصوص پیپلز پارٹی دی طرفں کڑی تنقید دا نشانہ بنڑایا گئیا ھا سابق صدر آصف زرداری نے تاں جامعہ حقانیہ کوں دہشت گرداں دی اماجگاہ قرار ݙے تے ایندے اقدام کوں شہدا دے خون نال غداری قرار ݙیتا ھا جبکہ بلاول بھٹو اپنڑیں ہر جلسے ءچ عمران خان کوں طالبان دا وچھیڑا بھیرا قرار ݙیندے ھن۔ انہاں نے لیاقت آباد ٹنکی گراونڈ کراچی جلسے ءچ وی اپنڑی اے گالھ دھرائی ھائی۔
