١١٠٠٠ کے وی دی تاراں نے ١٨ سالہ نوجوان کوں ساڑ ݙیتا، حالت تشویشناک

خان پور (سرائیکی نیوز۔ذیشان انور) بجلی دی گیارہ ہزار کے وی دی تاراں نال ٹکرا تے ١٨ سالہ نوجوان سڑ گئیا، خان پور غریب آباد ڊا رہائشی ارسلان چھت تے ھا کہ تاراں نے چھیک گھیدا، ارسلان دے جسم دا ٩٠ فیصد حصہ سڑ گئیا ، حالت تشوش ناک تھیون تے شیخ زید ہسپتال رحیم یار خان منتقل کر ݙیتا گئیا ، اہل علاقہ نے واپڈا دے خلاف شدید احتجاج کیتا تے چیف جسٹس توں فوری نوٹس گھنݨ چا مطالبہ کیتا، یاد رھاوے کہ ایں توں پہلے وی واپڈا دے انہاں کھمبیاں دی تاراں ڈھلیاں ہوون دے نال لوگاں دے گھرا توں لھنگدیاں پئن جیندے نال لوگ جان دی بازی ہار چکے ھن، تے مزید لوگاں دی جان کوں شدید خطرات لاحق ھن، علاقہ مکیناں نے پر زور اپیل کیتی کہ واپڈا دے اعلی حکام ھݙ دھرمی چھوڑ تے اپنڑاں کم کرن تے لوگاں دے جاناں دے نال کھیڈݨ بند کرن۔

Similar Posts

Leave a Reply

Your email address will not be published. Required fields are marked *