چائنہ غربت مٹاوݨ کیتے 88 ارب ڈالر دی سرمایہ کاری کریسی
بیجنگ (سرائیکی نیوز) چائنہ ڈویلپمنٹ بینک (سی ڈی بی ) نے رواں سال غربت مٹاون کیتے مختلف پروگرام شروع کرݨ دا فیصلہ کیتا ھِ جیندے تحت ٤٠٠ ارب یوآن (٦٣ اعشاریہ ٧٧ ارب ڈالر) دی سرمایہ کاری کیتی ویسی۔چین دی سرکاری نیوز ایجنسی دے مطابق سی بی ݙی تقریبان ٦٤ ارب ڈالر دے فنڈز دے ذریعے ملک بھر اچ غربت مٹاوݨ دے مختلف پروگرام شروع کریسی ۔ انہاں پروگراماں اچ انفراسٹرکچر دی تعمیر، غریب شہریاں کوں مناسب جگہ تے وساوݨ ، لوکل اندسٹری دی ترقی ، ہیلتھ کیئر تے غریب علاقیاں اچ تعلیم دے منصوبے شامل ھن چین دی رواں سال دیہی علاقیاں اچ ھک کروڑ لوگاں کوں غربت توں کڈھݨ دا ہدف مقرر کیتا ھِ انہاں اچ ٢٨ لکھ او لوگ شامل ھن جو دور دراز یا سہولتاں دی کمی دا شکار علاقیاں توں کݙھ تے نویں جگہاواں تے آباد کیتا ویسی ۔ حکومت دا آکھن ھِ ٢٠٢٠ تک ملک توں غربت دا مکمل طور تے خاتمہ کر ݙیتا ویسی ۔ خیال رھاوے کہ چین ٢٠١٢ توں ٢٠١٧ دے دوران ٦ کروڑ ٨٥ لکھ توں ودھ لوگاں کوں خط غربت توں کڈھیا ھِ جیندے بعد ملک اچ غربت دی شرح ١٠ اشاریہ ٢ فیصد توں کم تھئے تے صرف ٣ اعشاریہ ھک فیصد رہ گئی ھِ
