عوام دے حقوق ڊا تحفظ بار تے بنچ ڈونہاں دی ذمہ داری ھِ ، رانا عبدالحکیم

جلال پور پیروالہ(سرائیکی نیوز۔ محمد نواز ) عوام دے حقوق ڊا تحفظ بار تے بنچ ڈونہاں دی ذمہ داری ھِ ، رانا عبدالحکیم، تفصیل دے مطابق بار ایسی سی ایشن جلال پور نے حالیہ تبادلیاں دے بعد چارج سنبھالݨ والے ٣ جوڈیشنل افسران رانا عبدالحکیم ایڈیشنل ڈسٹرکٹ اینڈ سیشن جج ، فراز ارشد سول جج تے عقیل احمد سول جج دے اعزاز اچ استقبالیہ تقریب ڊا اہتمام کیتا گئیا ایں تقریب دے شرکاء توں  خطاب کریندے ہووے ایڈیشنل ڈسٹرکٹ اینڈ سیشن جج رانا عبدالحکیم نے آکھیا کہ بار تے بنچ گاݙی دے ڈو پہیئے ضرور ھن تے انہاں دا ڈونہاں دا چولی دامن دا ساتھ وی ہوندے لیکن انہاں ڈونہاں پیاں دے اوتے ایں گڈی دا اہم جزو عدالتاں اچ مقدمات دے سلسلےا چ آون والے عوام وی ہوندے ھن عوام دے حقوق دا تحفظ بار تے بنچ ڈونہاں دی ذمہ داری ھِ ٢٥ توں ٣٠ فیصد لوگ عدالتی نظام تے اعتماد نی کریندے بار تے بنچ ڈونہاں عوامی اعتماد حاصل کرݨ اچ ناکام رہے ھن لوگاں کوں انصاف دی فراہمی دا سلسلہ مزید بہتر تھیوݨ نال عوام دا اعتماد وی وھدسی۔ نویں سول ججز فراز ارشد تے عقیل احمد نے اپنڑیں خطابات اچ آکھیا کہ وکلاء عدالتی افسران کوں جتنی عزت ݙیسن جوڈیشنل افسران دی طرفوں ایں توں زیادہ عزت وکلاء کوں ݙیتی ویسی تے قانونی حدود اچ رھاندے ہووے وکلاء کوں ریلیف وی ݙیتا ویسی ، صدر بار راو عبدالرحمن تے جنرل سیکریٹری رانا منور حسین جکھڑ نے اپنڑیں خطابات اچ نویں عدالتی افسران کوں وکلاء دے تعاون دی یقین دھانی کرائی تقریب اچ سول جج مہوش محمود تے سول جج انیس احمد دے علاوہ وکلاء دی وݙی تعداد نے شرکت کیتی۔

Similar Posts

Leave a Reply

Your email address will not be published. Required fields are marked *