میݙے شہار ڊے لوڳ کھلݨ بُھل گئن

0
1331

میݙے شہار ڊے لوڳ کھلݨ بُھل گئن

از قلم: فیصل شہزاد چغتائی

ہر ݙوجہہ چہرہ پریشانی ، طویل سوچ و فکر اچ نظر آندے، ہر ذھن منتشر نظر آندے، میڈی قوم ڊے فرڊ جو سرائیکی خطے دے نال نال پوری دنیا اچ ھک وڄوڊ رکھیندن، جو حقیقی محنت کش قوم ڊی حیثیت رکھیندن، اج جئیں ویلے کہیں نال ملاقات تھینڊی ھِ اُو ھِک سوچ تے کرُب قیڊ لگڊن،سوچاں کھاڊی ویندن،خوشحالی بارے الاوݨ، کہیں کوں محبتاں ونݙاوݨ ڊی بجائے فجر توں عشاء تک صرف ھِک سوچ دماغاں اچ گھمڊی رھاندی ھِ کہ اَج تاں رزق مل گئے کل کیا تھیسی؟ ہر ملک اچ ایہو جئے ادارے ہونڊن ڄو اپنڑیں شہریاں ڊی فلاح و بقاء تے تحفظ واسطے ترتیب ݙیتے ویندن تاکہ کیونکہ اُنہاں شہریاں ڊی وجہہ توں انہاں ڊی روٹی روزی چلدی ھِ یعنی کہ جو ٹیکس ہر شہری ادا کرینڊے اوندے نال گورنمنٹ جمادار توں گھن تے وزیر اعظم تے ملک ڊا تحفظ کریندے مجاھد کوں ملدی ھِ جو بارݙر تے اپنڑیں ملک واسطے اپنڑیں ڄان ݙے ݙیندے۔ موجوڊہ حالات ڊی سنگینی ݙیکھدے ہووے صرف کجھ اڊارے لبھڊن جو واقعی اپنڑی تنخواہ حلال کرینڊے پئن جیندے اچ پاک افواج تے عدلیہ، ایندے بعد ھک طویل لابی ہر سویر اُٹھݙی ھِ تے ایہا صلاح کرینڊی ھِ کہ اَج شہریاں کوں کیھڑے پاسے مصروف کرنے۔ مطلب کیھڑے ڊھندے لاونڑیں، جیویں کہ اگر اے لابی کوئی وݙا کم کرݨ چاھندی ھِ تاں اپنڑی کُرسی دی طاقت جو ووٹ نی پیسے ݙے تے یا جعل سازی نال ٹھپے تے ٹھپے لا تے گھیدی ویندی ھِ اُون طاقت ڊے ضرور تے صحافت جئے مقدس ادارے ڊا استعمال کریندے ہووے شہریاں ڊے ذھن منتشر کرݨ دا سبب بنڑدی ھِ تے صحافت دے ناں تے تجارت کرݨ تے حق ڊی آواز کوں لُکا تے جو ھِ سبھ چنگا ھِ ، جی تسی بہتر ہو ، دی پالیسیاں تے عملدرآمد کریندن، بہوں افسوس تے ݙوکھ لگدے۔ اساݙے شہری ملک و قوم دا سرمایہ ھِن ،تے ایں سرمائے کوں پرنٹ میڈیا ، الیکٹرانک میڈیا ، سوشل میڈیا ڊے ذریعے ذھنی مریض بنڑاون ڊا پورا سامان کریندن،اگر کوئی آواز چاوݨ وی لگے تاں اُکوں کہیں ایہو جی جاء تے پھنسا ݙیو کہ او ایں بارے سوچے ھی ناں،ملک اچ ݙو پارٹیاں دی واری وٹی نے اساݙے ملک دا ستیا ناس کر ݙیتے ہر ݙوجہہ فرڊ ذہنی مریض بݨ گئے اے سبھ انہاں دی سازشاں ڊی وجہہ توں ھِ جو اے ہر ڈینھ صحافت کوں استعمال کر تے پھیلندن۔ ھک انسان دی اگر کہیں اڊارے اچ نوکری لڳے اُو کوشش کرینڊے کہ اپنڑی روزی حلال کراں، جتنی تنخواہ سہولتاں میسر ھن انہاں جتنا کم کرونجاں، لیکن افسوس۔۔۔ کوئی پرسان حل نی ملڊا ، جیندا جیویں ہتھ لگڊے اُو اویں ڊا لائی وینڊے۔۔۔ مزے ڊی گالھ اے کہ جو غریب وی منتخب تھئی تے فروخت تھئی ویندے یعنی آزاد امیدوار اپنڑاں ضمیر کہیں پارٹی ڊے ہتھ ویچھ ݙیندے اُو اپنڑی جاء بنڑاون واسطے بھید کھولیندے۔ جیندا ثبوت گذشتہ ھک ݙو جمہوری حکومتاں ڊے ناں ھن۔ کو افراد منتخب تھئے انہاں ونج تے ݙسایا ۔۔۔ کہ سئیں غریب تاں زندہ ہی آٹا چینی پتی کھیر تے ھن انہاں سبھ کوں وڊھا ݙیو، کوئی وزیر پیڑولیم لگڊے تاں اُو ٢٥ روپے لیٹر ملݨ والے پیٹرول کوں ٨٥ روپے لیٹر فروخت کرݨ دے فتوے ایں واسطے ݙیندے کہ اساݙا ملک قرضیاں اچ گھیرا ہویا ھِ قرضے لھاونڑن لیکن اُو قرضے لہاوݨ دی بجائے مزید مقروض کر تے ٹُر ویندن،جمہوریت ڊے ناں تے مسلسل تھیون والا مزاق نہایت ہی افسوس ناک ھِ جئیں علاقے ڊی یا حلقے دی سیٹ گھنڑی ہووے تاں انویسٹ منٹ کیتی ویندی ھِ تے جمہوریت اِچ آوݨ ڊے بعد فوائدہ کمایا ویندے، پاکستان اچ اگر اے آکھا ونجے کہ جئیں بندے کروڑ پتی بنڑنڑاں ہووے تاں اُو الیکشن لڑ گھینے ۔ بس بینک بیلنس جائیداد آسے پاسے سبھ ڊی بݨ ویسی۔ تے جو غریب اے حق رکھیندن کہ انہاں کوں بطور شہری ہووݨ دے اسلامی مملکت پاکستان توں کجھ مدڊ ملے تاں انہاں کوں رُول ݙیتا ویندے، یا ایہو جئے واقعات تھئی ویندن کہ شہری پڑانڑاں ݙوکھ بھل تے نویں کوں ھاں ڊے نال لا تے بھہ ویندن،میݙا تعلق ریاست بہاول پور ڊے نال ھِ نااہل وزیر اعظم نواز شریف نے گزشتہ ھک جلسہ بہاول پور اچ وی کیتے۔ مزے دی گالھ کہ ھک نا اہل واسطے تمام سرکاری وسائل خرچ تھئن پروٹوکول توں گھن تے ہر افسر تے پولیسی شاہنواز ھا، وݙے وݙے فلیکس فل پروف سیکورٹی لیکن افسوس ایں جلسے اچ بہاولپور ڊے عام لوگاں ڊی تعداد اگر اے آکھا ونجے کہ 10فیصد توں گھٹ ھائی تاں کجھ برا نا ہوسی، میڈے کافی دوست تے عزیزاں ڊا تعلق بہاول پور نال ھِ جو مقیم ھن انہاں نے آکھیا کہ ٹرالیاں ، ٹرک بھریج تے آئن کون لوگ ھن کیتھوں آئن کوئی پتہ کینی۔۔۔ انہاں دے مطابق جلسے دے ڈینھ سبھ بہاول پور دے عوام نے روٹین ورک یعنی روز دے کم سر انجام ݙیوݨ کوں ترجیھی ݙیتی، بہاول پور توں اتنا گندا ریسپانس ملا جیکوں میݙیا دے زور نال پوری ڊنیا اچ واہ واہ واسطے کامیاب جلسے ڊا ناں ݙیتا گئیا ، میڈیا برائے فروخت ھِ لہذا کوریج ملی ھک نا اہل وزیر اعظم کوں اتنی کوریج ݙیتی گئی کہ مثال نی ملدی تے اے نااہل بہاولپور دی عوام کوں ہی جاہل آکھ تے چلا گئیا۔کیوں؟ وجہہ اے ھائی کہ اے سبھ جلسے دے ڈرامے تے انویسٹمنٹ کیتی گئے سبھ ٹرالیاں تے بندے ٹاوٹاں خریدے ھن اے او ضمیر فروشاں دا ٹولہ ہا جو ہر جلسے اچ پھج ویندے اگر کہیں کویں ایں بارے اعتراض ھِ تاں خود آزمودہ کر تے ݙیکھ گھینے۔ برحال ایں جلسے اچ بہاول پور دے لوگ تا نا آ سکے لیکن انہاں دے نال جڑے لوڳ اپنڑیں چند ووٹراں دے نال ، پولیس افسران سادہ لباس اچ تے اُو لوگ ضرور آئے جنہاں سرائیکی خطے تے زمین 80 روپے مرلے دے حساب نال الاٹمنٹ کر ݙیتی گئی۔ غرض اے کہ اساݙے ملک اچ اج تک جمہوریت ڊے ناں تے فل فلیش ݙرامے بازی چلی ھِ تے ایں ملک دے شہریاں توں وصول تھیوݨ والے ٹیکس دے نال کھرباں تے عرباں پتی لوگ بنڑے ھن تے ملک اساݙا اج 200 فیصد زائد قرض دا مقروض جو کہ بہوں خطرناک ھِ ایہا وجہہ ھِ کہ امریکہ ڊے سامنڑیں لوس ماریندن، کیونکہ جو کانڑاں ہووے اُوھی ایہو جئیاں حرکتاں کریندے، اے قرض اتنا زیادہ کینی جتنا جمہوریت دے لباس اچ ہر سیاسی شناخت رکھݨ والے کھادے، ایں حالات اچ وی اگر ھک بندہ ١٠٠ روپے دا بیلنس پویندے تاں 29 فیصد ٹیکس لگدے یعنی 100 دے بدلے 79 ملدے کہیں ویلے تاں مزید گھٹ بیلنس ملدے باقی رقم؟ باقی رقم گورنمنٹ کوں ویندی ھِ اگر ھک ݙینھ دی ٹیلی کام انٹرسٹری توں والی رقم جوڑی ونجے تاں اے نا ممکن گالھ ھِ کہ قرض نا لہاون۔۔۔ ایویں کوئی ادارے چا تے ݙیکھ گھینو ۔۔۔ ہر ادارے اُتے ٹیکس مسلط کر ݙیتے ویندن۔۔۔۔چاہے او گیس کمپنی ہووے، چاہے او بجلی ݙیون والے ادارے ہوون قومی ادارے ہوون، ہرجا تے ھیکو کلچر راج کریندا پئے اُو کلچر سبھ توں بھاری ھِ تے اوندا ناں کرپشن ھِ تے ھن تک ملک اچ ھیکو زبان چلدی پئی ھِ اُو ھ پیسہ ۔۔۔ جو کم نا تھیندا ہووے اُتھاں پیسا ݙیکھا سب آسانی تھئی ویسی، تعلیم، صحت ، تحفظ دے ادارے ، ٹریفک سبھ نے اپنڑاں ھک مذہب تخلیق ݙے گھیدے جیکوں پیسہ آکھیندن ،جو سیوی وانگوں اساݙے ملک کوں کھادی ویندن۔جمہوریت دی چسس جیکوں لگ وینڊی ھِ اُو حج عمرہ نمازاں چھوڑ تے پیسے کٹھے کرݨ شروع تھئی ویندے ۔۔۔۔ اگر کوئی آواز چاوݨ لگدے تاں اوکوں کہیں بے پاسے لا ݙیون واسطے اے لوگ متحد تھئی تے باھندن جیکوں اے جمہوریت سمجھدن ۔۔۔ میڈیا تے قابض جمہوریت دے ناں تے کجھ لوگاں دی وجہہ توں اج جیندے نال گالھ کرو اُو پریشانی اچ گھیرا ہویا ھِ ھݨ تاں ایویں لگدے کہ اَسَاں مظلوماں دے شہار اچ آباد ھیں۔لوگ بھک توں مردے ویندن، خود کشیاں کریندے ویندن تے اساں اسمبلیاں اچ بہہ تے ٹھیڈیاں ہوواں کھاندے ھیں شاعری کریندے ہیں تے واہ واہ کریندے ہیں ۔۔۔ کمال ھِ میکوں ایں گزرن ٤ سال اچ کوئی جمہوریت دے دعویداراں توں سبسڈی دی ھک لائن نظر نی آئی جو کہیں غریب دے واسطے ہووے؟ کوئی ھک ایہو جئی لائن نی ملی کہ جئیں حقیقی معنی اچ غریباں دے دل خوشی نال دو چار تھئے ہوون۔ شاید اے معاملات دے بارے کوئی اعلی عہدیاں ت اثر و رسوخ رکھیندے تے واقعی محب الوطن تک پھجیندا وی ھِ یا کینی لیکن لوگ مرݨ ڊے قریب ھن گزشتہ 20 سال بہوں ہی بد ترین سال ھن جیندے اچ صرف ملک دے شہریاں کوں خواب دا چھنڑکڑاں ݙیتا گئے کہ او وجاون تے اپنڑیں ݙوکھ بھل تے روز نویں ٹیکے لواون۔۔۔۔ غریب اپنڑیں بالاں کوں تعلیم نی ݙے سکدے گورنمنٹ سکولاں اچ بالاں کوں جھاڑوں، صفائی تے لپائی تے رکھیندن ، تے پرائیویٹ سکول سبزی ݙے ، کدو ݙے ٹماٹر ݙے دے ناں تے ھزاران روپے لٹیندن، غرض اے کہ جئیں کوں موقع نی ملا او ای ویلے فرشتہ ھِ جئیں ویلے چانس ملا تے او وی پچھاں تے نا رھاسی جیویں ماضی اچ ودھن والیاں دال چینی آٹے تے ودھن والیاں قیمتاں ھن۔
پاکستان دا ہر شہری اپنڑیں بہتر مستقبل دا متلاشی ھِ تے منتظر ھ ایہو جئے مسیحے دا جو اپنڑی نوکری پوری کرے یعنی جو تنخواہ انہاں کوں ملدی ھِ او تنخواہ کوں ݙیون واسطے غریب تغاری چائیندن ، خیرات منگدن ، کھلے کھاندن ، مندے سنڑدن، بے عزت تھیندن ول ونج تے پیسے کمیندن تے ساہ توں گھن تے مرݨ تک ٹیکس ادا کریندن، تے اے ٹیکس تساݙی طرز زندگی کوں اعلی بنڑاں تے ایں قابل بنڑاں ݙیندے کہ تساݙے ہتھ میلے تھیندن کہیں غریب نال ملاوݨ ویلے ۔ صاحب اساں سبھ اتنا تاں حق رکھیندے ہیں کہ اساݙے ٹیکس ݙیون دے بدلے اساں کوں کیوں 40 سال توں کجھ نی ملدا پیا؟ پہلے تو چلو قرض لہاوݨ دا مسئلہ ھا لیکن انہاں سالہاں اچ ھن تک ملک دا قرض نہ لتھا؟تاں افسوس ناک ھِ ۔۔۔ تمام بااثر لوگاں کوں ایں بارے سنجیدگی نال سوچݨ دی لوڑ ھِ اگر ملک دے شہریاں دی کوئی حیثیت کینی تے نا سہی ۔۔۔۔ اگر انہاں دا کوئی حق کینی تے نا سہی ۔۔۔ لیکن ملک کوں مزید مفلوج یا فروخت دا سلسلہ بند کیتا ونجے تے ملک دے قرضے لہائے ونجن ۔۔۔ تاکہ میڈے ملک دا ہر شہری عزت نال سر چا تے ٹر سکدے اساں پوری دنیا اچ کوئی حیثیت نی رکھیندے ۔ حقارت دی نگاہ دے نال پوری دنیا اچ اساں کوں ݙیکھا ویندے۔ خدارا میڈیا دا استعمال بند کیتا ونجے اگر نی کر سکدے تاں گورنمنٹ ہر شہار اچ نفسیاتی ہسپتال بنڑاوے تاکہ لوگ اُتھاں ونج تے اپنڑاں مفت علاج کرواون ، در حقیقت بیمار کر ݙیتا گئے مصنوعی مہنگائی ، مصنوعی بے روزگاری ، ہر شہ بناوٹی بنڑا تے اپنڑاں الو سیدھا کرݨ افسوس ناک ھِ حقیقت کوں میڈیا وی لکھے ایں مقدس پیشے دی قدر کریندے ہووے حق تے سچ دی گالھ کیتی ونجے۔

LEAVE A REPLY

Please enter your comment!
Please enter your name here