ملتان ۔ پاکستان تحریک انصاف دے رہنما شاہ محمود قریشی دا آکھݨ ھا کہ جنوبی پنجاب دا الگ صوبہ بنڑاوݨ کیتے اساݙے کول اکثریت کینی ، نواز شریف دے کول اکثریت ھائی انہاں ایں گالھ کوں ترجیح نی ݙیتی
ملتان دے سرکٹ ھاوس ءچ پریس کانفرنس ءچ خطاب کریندے ہووے وزیر خارجہ شاہ محمود قریشی دا آکھݨ ھا کہ تحریک انصاف نے مشاورت دے بعد جنوبی پنجاب کوں منشور دا حصہ بنڑایا ھا ، اساں کوئی جذباتی فیصلہ نی کیتا، پارٹی ءچ اتفاق پیدا تھیا تاں ایکوں منشور دا حصہ بنڑایا گئیا ، ایں فیصلے کوں عملی شکل ݙیوݨ کیتے ݙو تہائی اکثریت چاھیدی ھِ پاکستان تحریک انصاف دے کول ٢ تہائی اکثریت کینی۔
انہاں آکھا کہ نواز شریف دے کول ٢ تہائی اکثریت ھائی لیکن ترجیح نا ھائی ، پی ٹی آئی بل تے دیگر جماعتاں توں تائید تے حمایت دی کوشش کریسی ، پی پی ، ن لی گدے ایم پی ایز ، ایم این ایز معاملے تے نال تھیوون، اساں کریٹ توں غرض نی ، بھلے تساں خود کریڈیٹ گھنو، اساں اپنڑیں منشور دے مطابق اگئی تے ودھݨ چاھندے پئے ھیں منفی پہلو دی بجائے مثبت پہلو اپنایا ونجے کجھ عناصر آکھیندے ھن نہ کریں گے نہ کرنے دیں گے ایں خطے دے لوگ مل تے اگئی تے ٹرن تاں معاملہ اگئی تے ودھسی ۔
شاہ محمود قریشی دا آکھݨ ھا کہ پیڑ گنڑیں ھن یا آم کھاونڑن، لوگ تے انہاں دے نمائندیاں نے فیصلہ کرنا ھِ کجھ لوگاں دی خواھش ھائی کہ بہاول پور کوں ترجیح ݙیتی ونجے مختلف آراء تے گالھ مہاڑ تھیندی رھی ھِ وزیر اعظم دے مشاورتی اجلاس ءچ دورائے سامنڑیں آئی سیکریٹریٹ دا ھک حصہ بہاول پور تے ݙوجہا ملتان ءچ بنڑایا ویسی۔ ابہام پیدا کیتا گئیا بہاول پور دا فیصلہ کیتا گئیا ھِ اے درست کینی ، دارالخلافہ کیتھاں ہوسی ، فیصلہ منتخب اسمبلی تے چھوڑا ویسی ، تمام رائے کوں مد نطر رکھ تے ہی فیصلے تھیندے ھن ، وزیر اعظم نے بہاول پور دے حق ءچ فیصلہ نی ݙیتا ، میں نی آکھیندا کہ طاہر چیمہ یا سمیع اللہ جھوٹ بولیندے پئے ھن ، جمہوریت ءچ لوگاں دی رائے کوں سنڑاں ویندے۔
