اتحادی ناراض، پی ٹی آئی ءچ تُرٹ بھج حکومت کیتے مشکلاں، اے فارورڈ بلاک کینی، شاہ محمود
ناراض اراکین اسمبلی دے جائز مطالبات پورے کیتے ویسن ، وزیر خارجہ ، وزیر اعظم وزیر اعلی عثمان بزدار توں مطمئن، فواد چودھری ھیرو بنݨ دی کوشش نا کرن، فیاض الحسن چوھان
خیبر پختونخوا ءچ پنجھ صوبائی وزراء نے ٢٠ اراکین اسمبلی دے نال مل تے گروپ بنڑا گھیدا، اجتمائی استعفیاں دی دھمکیاں ، بلوچستان ءچ سپیکر عبدالقدس بزنجو وزیر اعلی دیخلاف سرگرم
ملتان(سرائیکی نیوز) وفاق، پنجاب، خیبر پختونخوا تے بلوچستان ءچ ھک پاسے جیتھاں حکومت دی اتحادی پارٹیاں ناراضگی دا اظہار کریندیاں پیاں ھن پی ٹی آئی دے اندر وی تروٹ بھج شروع تھئی چکی ھِ جئیں نال حکومت دی مشکلات ودھدی نظر آندی پئی ھِ تاہم وزیر خارجہ شاہ محمود قریشی نے گزرن ݙینھوار اپنڑیں آبائی شہار ملتان ءچ سرائیکی نیوز نال گالھ مہاڑ کریندے ہووے پارٹے دے اندر کہیں ناراض گروپ یا فارورڈ بلاک دی تردید کیتی ھِ تے آکھا ھِ کہ ایں معاملے ءچ جنہاں لوگاں دے ناں آندے پئے ھن او خود ایندی تردید کر چکے ھن لہذا افواھواں جلد دم توڑ ویسن ، حکومت اپنڑیں مدت پوری کریسی ، ناراض اراکین دے جائز مطالبات پورے کیتے ویسن انہاں دا آھݨ ھاکہ حکومت مافیا دا مقابلہ کریندے پئی ھِ وزیر اعظم عمرا خان مختلف شعبیاں چء تبدیلیاں گھن آونڑاں چھایدا ھِ لیکن مفاد پرست طبقہ رستے ءچ حائل ھِ انہاں نے پنجاب ءچ آٹا بحران کوں وی مصنوعی قرار ݙے ݙیتا آکھا کہ چند منافع خوراں مصنوعی بحران پدیا کر رکھا ھِ ایں تے جلد قابو پا گھینسوں۔ تنقید مخالفین دا کم ھِ جنہاں کوں تکلیف پھجدی رہی ھِ او تنقید کریندے پئے ھن وزیر خارجہ نے آکھیا کہ چنگی گالھ اے ھِ کہ اج ایف آئی ٹی ایف اجلاس ءچ اپنڑیں نکات رکھن بھارت دے علاوہ تمام ملکاں نے پاکستان دے اقدامات کوں چنگا آکھے جو کم پچھلے ١٠ سال ءچ نا تھئے اور ١٠ مہینے ءچ تھئی گئے بھارت نی چاھندا کہ پاکستان گرے لسٹ توں باہر نکلے او پاکستان کوں بلیک لسٹ ءچ ڈیکھݨ چاھندے انہاں آکھیا کہ وزیر اعظم دا دورہ ڈیوس کامیاب رھے۔
