سکولاں اچ بہتر سہولیات تے معیاری تعلیم دی فراہمی کیتے وزیر اعلی پنجاب دے اقدامات قابل تحسین ھن، دیوان محمد عباس بخاری

جلال پور پیروالہ(سرائیکی نیوز۔ ولی محمد ) نویں تعلیمی سال دے آغاز تے سرکاری سکولاں اچ طلباء و طالبات دی نویں داخلہ مہم دے سلسلے اچ گورنمنٹ عطا نور گرلز پرائمری سکول ءچ ھک تقریب دا اہتمام کیتا گئیا مہمان خصوصی چیئرمین ضلع کونسل ملتان دیوان محمد عباس بخاری نے تقریب دے شرکاء نال خطاب کریندے ہووے آکھیا کہ سرکاری سکولاں اچ داخلہ گھنݨ والے بالاں کوں بیگز تے کتاباں دی مفت فراہمی نال غربت دی بناء تے بالاں کوں نا پڑھاون والے والدین دے کول وی بالاں کوں نا پڑھاون دا کوئی جواز نی بچدا۔ ڈپٹی ڈسٹرکٹ ایجوکیشن آفیسر (مردانہ) تحصیل جلال پور نیک محمد شیخ نے اپنڑیں خطاب اچ آکھیا کہ محکمہ تعلیم وزیر اعلی پنجاب دے تعلیمی پروگرام پڑھو پنجاب بڑھو پنجاب کوں گھن تے اگوں ودھدا پیا ھِ محکمہ اساتذہ نال مل تے پوری کوشش کریندا پئے کہ سکولاں اچ داخلے دے قابل ہر بال کوں سکول اچ داخل کیتا ونجے ۔ تعلیمی میدان اچ اگوں ودھݨ نال ھی اقوام عالم دا بہتر مقابلہ کر سکدے ھیں تقریب دے اختتام تے دیوان محمد عباس بخاری ، نیک محمد شیخ تے ڈپٹی ڈسٹرکٹ ایجوکیشن آفیسر زنانہ زاھدہ نسیم نے سکول اچ داخلہ گھنݨ والے بالاں اچ مفت بیگ تے کتاباں وی تقسیم کیتیاں ۔ قبل ازیں چیئرمین ضلع کونسل ملتان دیوان محمد عباسی بخاری نے نیک محمد شیخ تے زاھدہ نسیم دے نال نویں کلاساں دا افتتاح کیتا، ایں موقع تے سابق کونسلر ملک اقبال آرائیں تے جاوید اقبال گجر وی انہاں دے ہمراہ ھن۔