وستی جعفریں جلال پور پیروالہ ءچ ݙوں گروپاں ءچ جھیڑا ، ١٤ ہلاک ١٦ نمازی زخمی
جلال پور پیروالا(سرائیکی نیوز ۔ ملک نواز) ݙو گروپاں دے درمیان جھیڑے نال فائرنگ دے نتیجے ءچ ٢٠ بندے جاں بحق، ذرائع دے مطابق جلال پور پیروالا دی وستی جعفریں ءچ ݙو گروپاں دے درمیان جھیڑا تھیا جیندے ءچ ݙونہاں پاسے توں اندھا دھند فائرنگ کیتی گئی جیندے نتیجے ءچ ٦ بندے موقع تے ھی جاں بحق تے کئی زخمی تھئی گئے ، واقعے دی اطلاح ملدے ہی پولیس دی بھاری نفری موقع تے پھج گئی جبکہ ریسکیو اہلکاراں نے وی موقع تے پھج تے لاشاں تے زخمیاں کوں تحصیل ھیڈ کوارٹر ہسپتال منتقل کیتا جیتھاں چار مزید بندے زخم دا سٹھ نا چاندے ہووے دم توڑ گئے
تفصیل دے مطابق وستی جعفریں دے ݙو گروپاں ءچ پرانڑاں جھیرا چلدا آندا ھا، اج عید نماز دے عبد جیویں ھک گروپ باہر نکلے تے مخالف گروپ نے فائرنگ شروع کر ݙیتی جیندے نتیجے ءچ ٤ نمازیاں دے نال نال جھیڑے والے گروپاں دے ١٤ بندے موقعے تے جاں بحق تھئی گئے تے ١٦ توں ودھ نمازی زخمی تھئی گئے، جنہاں کوں ہسپتال منتقل کر ݙیتا گئیا۔
