منشیات اساݙی نسلاں دی وݙی دشمن ھِ تے ملکی سلامتی کیتے خطرہ،ڈی ایس پی جام سلیم اختر
جلال پور پیروالا (سرائیکی نیوز ۔ جمیل ملک ) جلال پور پیروالا دے ھک مقامی اسکول دی تقریب منشیات دے خلاف آگاہی تے ایندے روک تھام کیتے ءچ خطاب کریندے ہووے ایس پی جام سلیم اختر نے آکھیا کہ منشیات اساݙی نسلاں دی وݙی دشمن ھِ تے ملکی سلامتی کیتے خطرہ۔
جلال پور پیروالہ پبلک سکول و کالج ءچ تھانڑاں سٹی پولیس دے زیر اہتمام منشیات دی رقم تھام کیتے تے ایندے تدارک کیتے نوجواناں کوں آگاہی ݙیوݨ کیتے ھک روزہ سیمینار دا اہتمام کیتا گئیا جیندے ءچ طباء تے استاداں نے وݙی تعداد ءچ شرکت کیتی تقریب توں خطاب کریندے ہووے ݙی ایس پی جام سلیم اختر نے آکھیا کہ ملک دے دشمن دا ٹارگٹ اساݙی نوجوان نسل ھِ نوجوان نسل اساݙا قیمتی سرمایہ ھن انہاں دی تباھی صرف انہاں دی نی بلکہ پورے ملک دی ھِ اساں سبھ دی ذمہ دارے ھِ کہ اپنڑیں آسے پاسے حالات تے نظر رکھوں تے اگر کتھیں منشیات ویکدی پئی ھِ یا کیو ایہو جئی حرکت تھیندی پئی ھِ تاں پولیس کوں ݙساوں تاکہ ایکوں روکا ونج سکے، اساں جو اے آگاہی مشن شروع کیتے ایکوں اساں سبھ اگئی تے گھن تے ونجنڑیں ، تاکہ اپنڑیں نوجوان نسل کوں محفوظ کر سکوں ایں موقع تے پرنسپل رائے صفدر حسین ، سابق جنرل سیکریٹری بار ایسوسی ایشن رانا منور حسین جکھڑ نے خطاب کریندے ہووے آکھیا کہ پولیس دے نال تعاون کر تے اساں اپنڑی نوجوان نسل کوں محفوظ کر سکدے ہیں انہاں طلباء توں اپیل کیتی کہ ادارے دے اندر مشکوک بندیاں تے چیزاں تے نظر رکھی ونجے تاکہ ایں برائی دا جڑ توں خاتمہ ممکن تھئی سکے۔
