معروف تاجر خواجہ قادر بخش دے بھیرا توں اسلحہ دے زور تے ڈاکو ٢١ لکھ روپے چھیک گئے

جلال پور پیروالہ(سرائیکی نیوز ۔ محمد نواز ) معروف تاجر رہنما خواجہ قادر بخش دے نوجوان تاجر پتر خواجہ اسد اللہ توں ڈاکوواں نے گن پوائنٹ تے ٢١ لکھ روپے چھیک گھیدے، اسد اللہ سوموار دی شام ساڑھے چار وجے دکان توں ٢١ لکھ روپے کیش بینک اچ جمع کرواوݨ کیتے پیدل ویندا پیئا ھا کہ پرمٹ روڈ دے عقب اچ محلہ حدریہ اچ اچانک سامنڑیں توں ون ٹو فائیو موٹر سائیکل تے ٣ مسلحہ ڈاکوواں نے اسلحے دو زور تے پیسیاں والا بیگ چھیکندے فرار تھئی گئے ۔ ایں دوران محلے اچ واقع دکانداراں دے مالکان تے راھگیراں دی وڈی تعداد جمع تھئی گئی بعد ازاں کاروباری بندی دی کافی تعداد اچ جائے واردات تے پھج گئی  اسد اللہ دے مطابق ڈاکوواں اچوں ٢ ڈاکو نقاب دے نال ھن  نقاب توں چہرویاں دا کافی حصہ لوکا رکھا ھا ھک ملزم نقاب دے بغیر ھاں ایں موقع تے مقامی تاجراں نے شہر اچ جرائم دی ودھدی تعداد تے تشویش دا اظہار کیتا ، ایں واقعے دی اطلاع تے مقامہ تھانڑاں سٹی پولیس جائے واردات تے پھج تے تفتیش شروع کر ݙیتی۔

Similar Posts

Leave a Reply

Your email address will not be published. Required fields are marked *