جلال پور پیروالا، سپورٹس گراونڈ ریگستان دا منظر پیش کریندا پئے، کھلاڑی
جلالپور پیر والا(سرائیکی نیوز۔ بخت عمرانصاری) اسپورٹس گراونڈ صحت مند بنڑاون دی بجائے بیماریاں پیدا کرݨ لگ گئے ، سہولیات دے فقدان تے صفائی نا ہون دی وجہہ توں کھلاڑیاں کوں مشکلات دا سامنڑاں ، تفصیل دے مطابق جلا پور پیروالا اچ موجود سپورٹس گرواڈ جو کہ شہر بھر دے نوجواناں دی جسمانی نشونما دی واحد جگہ ھِ ایں وقت سنگین مسائل نال ݙو چا رھِ پانڑیں دا انتظام نا ہوون دی وجہہ توں پورا گراونڈ ریگستان دا منظر پیش کریندا پئے تے گھا ناں دی کوئی شہ نظر نی آندی، لائٹس گھمبیاں سمیت غائب تھئی چکی ھِ ۔ صفائی دا کوئی نظام موجود کینی ۔مقامی کھلاڑیاں تے سرائیکی نیوز دے نمائندہ عمر بخت انصاری نال گالھ مہاڑ کریندے ہووے ڈسایا کہ مٹی وی وجہہ توں انہاں کوں ساہ دیاں بیماریاں تھیندیاں ویندن ، کھیڈ دے دوران گراونڈ اچ مٹی اُڈیدی ھِ جیندے نال ساھ گھیݨ مشکل تھئی ویندے۔کھلاڑیاں نے چیئرمین سلیم ستار تے اعلی انتظامیہ توں مطالبہ کیتا کہ کھیڈ دے سپورٹس گراونڈ اچ گھا لائی ونجے تے نال نال ایندی صفائی ستھرائی دا انتظام جلد کیتا ونجے تاکہ جلال پور دے نوجوان کھیڈ نال جڑے رھاون۔
