تھانڑاں سٹی دے نک تلے دکاندار تے ڈاکواں نے چڑھائی کر ݙیتی، نقدی تے موبائل لٹ تے فرار
جلال پور پیروالہ(سرائیکی نیوز۔ ملک محمد نواز) بینک دے قریب واقع دکان اچ ایزی پیسہ کرواوݨ دے بہانے دکان اچ داخل یو بی ایل جلال پور تھانڑاں سٹی دی بغل اچ ڈکیتی دی واردار تھیون نال تریھ مسلح افراد نے دکاندار سلیم توں ھک لکھ چالھی ھزار نقدی تے چھ موبائل چھیک گھیدے تے فرار تھئی گئے ، ١٥ تے اطلاع دے بعد پولیس موقع تے پھج گئے ؛ متاثرہ شخص ملک سلیم نے نمائندہ سرائیکی نیوز کوں ڈسایا کہ تریھ بندے ایزی لوڈ دے بہانے دکان اچ وڑ آئے تے اسلحے دے زور تے ساری نقدی تے موبائل دے لوڈ والے موبائل سمیت کھس تے گھن گئے، اساں ایں واسطے بے فکر ھاسے کہ نال تھانڑاں ھِ لیکن تھانڑیں دے ھوون دے باوجود اساں لٹیج گئے، سلیم نے مطالبہ کیتا کہ ملزمان کوں گرفتار کیتا ونجے تے جو ایں واردات اچ ملوث ھِ اوندے خلاف کارروائی کیتی ونجے۔
