حکومت میڈیا ورکرز دی فلاح و بہبود کیتے ہر ممکن اقدامات کریسی، گورنر پنجاب
ملتان(سرائیکی نیوز۔ یوسف اقبال) گورنر پنجاب ملک ممحمد رفیق جوانہ نے آکھیا ھِ کہ حکومت میڈیا ورکرز دی فلاح و بہبود کیتے ہر ممکن اقدامات کریسی، پرنٹ میڈیا دے کارکن ریڑھ دی ہڈی دی حیثیت رکھیندے ھن انہاں کوں کہیں صورت نظر انداز نی کیتا ونج سکدا میڈیا ورکرز آرگنائزیشن ملتان دے وفد نال ملاقات دے دوران گورنر پنجاب نے آکھیا کہ میڈیا تے ورکرز دے مسائل دے حوالے نال جو تھئی سکا او کریسوں تے انشاء اللہ میڈیا ورکرز آرگناعزیشن کوں تمام سہولیات دے علاوہ ورکرز دے واسطے ہاوسنگ کالونی اچ کوٹے ڈویسوں۔ ایم ڈبلیو او عہدیداراں دا آکھن ھا کہ پاکستان اچ میڈیا کوں ریاست دے چوتھے ستون دی حیثیت حاصل ھِ میڈیا ورکرز دی محنت نال ھی اے انڈسٹری پھلدی پھولدی ھِ ایں موقع تے گورنر پنجاب ملک محمد رفیق رجوانہ نے ایم ڈبلیو او وفد کوں یقین ڈیوایا کہ وزیر اعلی پنجاب محمد شہباز شریف نال گالھ کر تے انہاں کوں لیپ ٹاپ دی فراہمی یقینی بنڑیسوں۔ میڈیا ورکرز آرگنائزیشن ملتان دے وفد ا چصدر شاہ زمان ، شینئر نائب صدر عادل چوہدری ، نائب صدر سید ذیشان شاہ ، جنرل سیکریٹری عرفان چوہدری ، فنانس سیکریٹری سعید ناز تے راشد ملک شریک تھئے
