بھیراواں دی طرفوں تیزاب سٹھن دا واقعہ، متاثرہ شخص دا احتجاج
خالد محمود دا پریس کلب دے سامنڑیں مظاہرہ ، ڈپٹی کمشنر دی رہائش گاہ دے باہر دھرنا ، انصاف دی اپیل
احتجاجی مظاہرہ کیتا تے بعد اچ ڈپٹی کمشنر دے گھر سے سامنڑیں رات گئے سڑک دے درمیان دھرنا ڈیتا جئیں توں ٹریفک دی روانی وی متاثر تھئی
ملتان(سرائیکی نیوز) زمین دے تنازعے تے سگے بھیراواں دی طرف توں تیزاب سٹھن دے خلاف متاثرہ شخص نے متان پریس کلب دے سامنڑیں احتجاجی مظاہرہ کیتا تے ڈپٹی کمپشنر دی رھائش گاہ دے سامنڑیں سڑک تے بطور احتجاج دھرنا ڈیتا تفصیل دے مطابق ککر ہٹی دے رہائشی خالد محمود دا اپنڑیں سگے بھیراواں محمد یوف تے اقبال نال خاندانی زمین دے حوالے نال کجھ عرصہ توں تنازعہ چلدا آندا ھا، جئیں تے سگے بھیراواں نے محمد خالد کوں معاملات طے کرن واسطے سڈھ تے تیزاب سٹھ ڈیتا، مبینہ طور تے پولیس نے واقعے کوں خود ساختہ قرار ڈینوے ہووے مقدمہ درج کرن توں انکار کر ڈیتا جئیں تے متاثرہ شخص نے اپنڑی اہلیہ دے ہمراہ پہلے ملتان پریس کلب دے سامنڑیں احتجاجی مظاہرہ کیتا تے بعد اچ ڈپٹی کمشنر دے گھر سے سامنڑیں رات گئے سڑک دے درمیان دھرنا ڈیتا جئیں توں ٹریفک دی روانی وی متاثر تھئی ، انہاں نے وزیر اعلی توں انصاف دی اپیل کیتی ایں موقع دے ملتان پولیس کینٹ نے متاظرہ شخص تے خاندان نال مذاکرات کیتے تے رات گئے دھرنا ختم کر ڈیتا گئیا۔
