ملتان میٹرو بس دا کمانڈ اینڈ کنٹرول سینٹر زیر تعمیر ، کجھ میٹرو اسٹیشنز دی تزئین و آرائش تِ مشیناں دے لاون دا کام باقی رہاون دی وجہہ توں تقریب موخر کر ڈیتی گئی ھِ ذرائع
ملتان (سرائیکی نیوز( 24 دسمبر 2016 ملتان میٹرو بس پراجیکٹ دی ھک تقریب ھک واری ول موخر کر ڈیتی گئی باخبر ذرائع دے مطابق ملتان میٹرو بس پراجیکٹ دا افتتاح ھن جنوری دی اخیر اچ تھیون دا امکان ھِ
ذرائع دے مطابق ملتان میٹرو بس دا کمانڈ ایکشن سینٹر وی ھن تک زیر تعمیر ھِ ایں واسطے میٹرو بس دی افتتاح تقریب موخر کر ڈیتی ھِ تِ ایں سلسلے اچ ضلعی انتظامیہ کوں وی آگاہ کر ڈیتا گئے
ذرائع دے مطابق ملتان میٹروبس پراجیکٹ دا افتتاح چھیکڑ ہفتے اچ تھیون دا امکان ھِ ۔ یاد رہاوے ایں توں پہلے وی اطلاواں ھن کہ ملتان میٹرو بس پراجیکٹ دا افتتاح 25 دسمبر کوں وزیر اعظم کریسن تِ ایں سلسلے اچ ملتان دی ضلعی انتظامیہ دی طرفوں تیاری وی کیتی ویندی پیاں ھن۔
