9 مئی حملوں دی منصوبہ بندی، عملدرآمد تے عمران خان دیخلاف کارروائی فوجی عدالت اچ تھیسی ، رانا ثنااللہ
وفاقی وزیر داخلہ رانا ثناء اللہ آکھیا کہ پاکستان تحریک انصاف پی ٹی آئی دے چیئرمین عمران خان دے خلاف ٩ مئی کوں پیش آوݨ والے واقعات دی منصوبہ بندی تے عمل درآمد تے کارروائی فوجی عدالت اچ تھیسی۔ اخبار دے پروگرام لائیو ود عادل شاہزیب نال گالھ مہاڑ کریدنے ہووے رانا ثناء اللہ نے عمران خان تے الزام عائد کیتا ھ کہ انہاں اپنڑیں گرفتاری توں پہل ھی ذاتی طور تے فوجی تنصیبات تے حملے دی منصوبہ بندی کیتی ھائی۔
انہاں آکھیا کہ انہاں دعوویاں کوں ثآبت کرݨ پاروں ثبوت موجود ھن ھک سوال دے جواب اچ انہاں آکھیا کہ میکوں سمجھ نی آندی پئی کہ اے دلیل کیوں بنڑدی ھِ کہ او جیل اچ ھا جبکہ سارا کجھ کرݨ والا او ھا۔
انہاں آکھیا کہ جو انہاں نعرہ لایا ھا کہ عمران خان اساڈی ریڈ لائن ھِ ایندے اوتے انہاں جو پیش بندی ، منصوبہ بندی تے تیاری کیتی ھائی او ساری عمران خان دے حکم تے تھئی تے ایں نے اے سارا کروایا۔
انہاں آکھیا کہ ایں سارے فساد دا تخلیق کار او خود ھِ اگر او ملزم کینی تاں او کون ھِ ایندے ثبوت موجود ھن ۔ انہاں دا آکھݨ ھا کہ اے دستاویزی شکل اچ وی ھن ، ٹوئٹس تے وی ھن ، پیغام ڈیندے رہے ھن کہ ہر جاء توں اے شہ ملدی ھِ اے سارا کجھ او طے کر گئے ھن کہ کہیں نے کیا کرنا ھِ تے کیتھاں کرنا ھِ اسٹریجی کیا ھوسی ، کیں کیں ا تے ڈیوٹی کیندی لاعی ویسی ، اے سارا کجھ پہل توں طے شدہ ھا۔
