جی ایچ کیو دے سامنڑیں احتجاج کرݨ اساڈا حق ھ، عمران خان
اسلام آباد: پاکستان تحریک انصاف دے چیئرمین عمران خان دا آکھݨ ھ کہ جی ایچ کیو ددے سامنڑیں احتجاج کرݨ اساڈا حق ھِ برطانوی میڈیا کوں انٹرویو ڈیندے ہوون انہاں آکھیا ھا کہ آئین تے قانون اساکوں پ رامن احتجاج دی اجازت ڈیندا ھِ ۔ جی ایچ کیو دے سامنڑیں احتجاج کرݨ اساڈا حق ھِ اندر اساڈی پارٹی دے لوگ نی گئے بلکہ او اندر ونجݨ والیاں کوں روکیندے پئے ھن۔
عمران خان دا ٩ مئی دے واقعات دے متعلق آکھݨ ھا کہ بھا تاں چار یا پنجھ جاء تے لگی جنہاں اچ کور کمانڈر ھاوس تے ریڈیو پاکستان پشاور ایہو جئی جگہاواں ھن ، اوتھاں کیمرے ہوسن، سیف سٹی دے کیمرے ھن سب علم تھئی ویسی ۔ اے انکوائری تاں بہوں سیدھی سادھی ھِ ۔
چیئرمین تحریک انصاف عمران خان آکھیا کہ فوجی عدالتاں اچ شہریاں دیخلاف مقدمات چلسن تاں جمہوریت تاں ختم تھئی گئی۔ نیم مارشل لا تاں لگ گئیا ھِ ایندا مقصد پی ٹی آئی کوں ختم کر تے نواز شریف کوں بحال کرواوݨ ھِ
انہاں آکھیا کہ تحریک انصاف کوں انتخابات یتݨ پاروں ھݨ الیکٹ ایبلز دی لوڑ کینی، اساڈا سبھ توں وڈا ووٹ بینک ھِ جئیں ویلے ووٹ بینک اتنا ہووے تاں لوگاں دے آوݨ ونجݨ نال کوئی فرق نی پوندا۔
مذاکرات دی پیش کش تے حکومت دی طرفوں جواب نہ ملݨ دے بارے اچ عمران خان دا آکھݨ ھا کہ مذاکرات تاں چلدی رھاسن لیکن ڈوجہے پاسے توں کوئی ریسپانس نی آندا۔ مذاکرات او چاھندے ھن جو کوئی حل چاھدنے ھن تے حل الیکشن ھن او اے نی چاھندے ۔ ایں توں بھجدے پئے ھن۔ عمران خان دا مزید آکھݨ ھا کہ حکومت پی ٹی آئی اے دے ٢٣ ھزار کارکناں دی فہرست بنڑائی ھِ جیندے اچوں ١٠ ھزار کوں گرفتار کیتا ونج چکا ھ
