٧٠٠ ارب دے نویں ٹیکس، اداریاں دی نجکاری تے آئی ایم ایف دے نال معاھدہ آخری مراحل ءچ داخل
اسلام آباد(سرائیکی نیوز) آئی ایم ایف تے حکومت پاکستان دے مابین قرضے دا معاھدہ حتمی مراحض ءچ داکض تھئی گئیا ھِ جیندے تحت ٧٠٠ ارب توں ودھ نویں ٹیکس لائے ویسن تے خسارے ءچ چلݨ والے اداریاں دی نجکاری کیتی ویسی ۔ نجی ٹی وی چینل دے ذرائع دے حوالے نال دعوی کیتا گئیا ھِ کہ پاکستان تے آئی ایم ایف دے مابین معاھدے دی منظوری آخری مراحل ءچ داخل تھئی گئی ھِ جیندا کل ١٠ مئی کوں باضابطہ منظوری ݙے ݙیتی ویسی آئی ایم ایف تے پاکستان دے مابین ٣ سالہ پروگرام طے کیتا ویسی جیندے تحت پاکستان کوں ٧ توں ٨ ارب ڈالر دا قرضہ فراہم کیتا ویسی ۔ معاھدے دی شرائط دے مطابق حکومت پاکستان یکم جولائی توں ٧٠٠ ارب روپے توں زائد دے اضافی ٹیکس عائد کریسی ، بجلی دی قیمتاں ءچ ݙو مراحل ءچ اضافہ کیتا ویسی تے پہلے مرحلے ءچ یکم جولائی توں بجلی دی قیمتاں ودھائیاں ویسن جبکہ ڈوجہے مرحلے ءچ گیس دی قیمتاں ءچ وی اضافہ کتیا ویسی ۔ معاھدے دے تحت پاکستان دا ترقیاتی بجٹ گزرن ماہ دی سطح تے منجمد کر ݙیتا ویسی جبکہ خسارے ءچ چلݨ والے اداریاں دی نجکاری کیتی ویسی ۔ ذرائع دا آکھݨ ھِ کہ کرنسی ایکسچینج ریٹ طے کرݨ ءچ اسٹیٹ بینک کوں خود ݨختیاری ݙیتی ویسی جبکہ بجٹ خسارہ وی گھٹ کیتا ویسی۔
