شاہ محمود قریشی دا سعودی ھم منصب کوں ٹیلی فون، وائرس دے عالمی چیلنج بارے گالھ مہاڑ

وزیر خارجہ مخدوم شاہ محمود قریشی دا سعودی ہم منصب شہزادہ فیصل بن فرحان السعود کوں ٹیلی فون، کورونا وائرس دے عالمی چیلنج نال نبڑنڑ سانگے گالھ مہاڑ کیتی

اسلام آباد  – وزیر خارجہ مخدوم شاہ محمود قریشی دا سعودی ہم منصب شہزادہ فیصل بن فرحان السعود کوں ٹیلی فون کیتا۔بدھ کوں وزارت خارجہ ولوں جاری بیان دے مطابق ڈوہیں وزرائے خارجہ وچال رونا وائرس دے عالمی چیلنج نال نبڑنڑ سانگے گالھ مہاڑ کیتی گئی۔

وزیر خارجہ مخدوم شاہ محمود قریشی ’ کورونا وائرس دی وباء پاروں سعودی شہریاںد ے جانی ضیان تے ڈکھ تے افسوس کریندیں ہوئیں اپنڑے سعودی ہم منصب نال تعزیت کیتی۔وزیرخارجہ سعودی عرب ولوں کروناوائرس کوں کھنڈنڑ توں روکنڑ سانگے کیتے گئے اقدامات دی تعریف کیتی۔وزیرخارجہ ایں عالمی وباء دے پھیلائو کوں روکنڑ سانگے پاکستان ولوں کیتی گئی کوششاں بارے سعودی وزیرخارجہ کوں ڈسیا۔۔ وزیر خارجہ اپنڑے سعودی ہم منصب کو ںکورونا عالمی وبائی چیلنج نال نبڑنڑ سانگے سعودی عرب ولوں جی۔ 20 ورچوئل سمٹ دے کامیاب انعقاد تے مبارک ڈتی۔

وزیرخارجہ آکھیا جو ایں عالمی وباء دے چیلنج دا سامنڑاں کریندیں ہوئیں پاکستان جیہے گھٹ وسائل آلے ملاں کوں معاشی اوکھ تھیندی پئی اے ایں سانگے وزیراعظم عمران خان ترقی پذیر ملکاں دے قرضیاں کوں ری اسٹرکچر کرنڑ دی تجویز ڈتی اے تانجو او اپنڑے وسائل ایں وبائی چیلنج نال نبڑنڑ اتے قیمتی انسانی جاناں کوں بچاونڑ تے لا سگن۔ وزیر خارجہ مخدوم شاہ محمود قریشی ’ سعودی عرب دے دارالحکومت ریاض اتے جیزان تے میزائل حملے دی شدید مذمت کریندیں ہوئیں سعودی دفاعی فوج دے کرداردی تعریف کیتی جنہاں ویلھے تے ایں حملے کوں روک کراہیں قیمتی انسانی جاناں کوں بچایا۔

سعودی وزیر خارجہ شہزادہ فیصل بن فرحان ’ کورونا عالمی وبا پاروں تھیونڑ آلے جانی ضیان تے تعزیت،سعودی عرب دے دارالحکومت ریاض اتے جیزان تے میزائل حملے دے خلاف اصول موقف ڈیونڑ اتے سعودی حکومت تے عوام نال یکجہتی کرنڑ تے وزیرخارجہ دا شکریہ اد اکیتا۔اے پی پی