کورونا وائرس امیر غریب دا فرق نی کریندا اے کہیں کوں وی تھئی سکدے، وزیر اعظم

کراچی ۔ وزیر اعظم عمران خان نے آکھیا کہ کورونا وائرس امیر غریب دا فرق نی رکھندا اے کہیں کوں وی تھئی سکدے ایں مشکل ویلے ءچ قوم جیت سکدی ھِ حکومت نی جیت سکدی۔ ھک نجی ٹی وی چینل کوں انٹرویو ݙیندے ہووے وزیر اعظم عمران خان دا آکھݨ ھا کہ قوم کوں ڈیمز دی وی بہوں ضرورت ھِ ڈیم فنڈ کورونا دیخلاف استعامل کرݨ دا ھلی سوچا کینی ۔

پاکستان دی آبادی ٢٢ کروڑ جبکہ امریکا دی آبادی ٣٠ کروڑ توں ودھ ھِ امریکا نے کورونا دے خلاف ٢٢ سو ارب ڈالر دا ریلیف پیکج ݙیتا پاکستان نے ٨ ارب ڈالر دا مشکل نال پیکج ݙیتا ھِ اساݙے کول کورونا دا مقابلہ کرݨ کیتے وسائل کینی ۔ لوگاں ءچ ایمان دی قوت وݙی قربانیاں ݙیندی ھِ اساݙی دنیا دے اندر ݙوجہے نمبر تے وجوان آبادی ھِ نوجوان بہوں وڈی طاقت ھن اگر انہاں دا صحیح استعمال کرن ، پاکستان ٥ ویں ممالک ءچ شامل ھِ جیتھاں سبھ توں زیادہ خیرات ݙیتی ویندی ھِ انہاں دا مزید آکھݨ ھا کہ اٹلی ، اسپین ءچ ٨٥٠ لوگ ھک ݙینھ ءچ مر گئے ، کورونا وائرس امیر غریب دا فرق نی کریندا کہیں کوں وی تھئی سکدے ایں مشکل قت ءچ قوم جیت سکدی ھِ حکومت دے وس ءچ کینی ۔

ڈیکھنڑاں ھِ کہ ایندے خلاف جنگ کتنے عرصے تک طلدی ھِ ۔ ایں توں پہل وزیر اعظم نے کنٹونمنٹ جنرل ہسپتال دی تقریب ءچ ڈاکٹراں نال گالھ مہاڑ کریندے ہووے آکھیا کہ اساں کوں پتہ ھا کہ ایں وائرس دے کھینڈݨ دے بعد جنہان نے فرنٹ لائن تے جنگ لڑنی ھِ او ڈاکٹر ھن اساڈی کوشش ھِ کہ سبھ توں پہل میڈیکل اسٹاف کوں حفاظی سامان فراہم کروں ۔ میں اپنڑیں قوم دی طرفوں تساں کوں ڈساوݨ چاھندا ھاں کہ اساں پوری طرح تساڈے پچھوں کھڑے ہوسوں ۔ اساں اپنڑیں ھیلتھ ورکراں تے ڈاکٹراں دے نال ھیں ، وزیر اعظم عمران خان نے آکھیا کہ کورونا وائرس دی وباء ھن مزید وھسی ، کتنی ودھسی ھک ہفتے ءچ پتہ لگ ویسی ۔

واضح رھاو کہ ملک ءچ وائرس نال متاثرہ مریضاں دی تعداد ٢٠٣٩ تک پھج گئی ھِ جبکہ جاں بحق بندیاں دی تعداد ٢٦ تھئی گئی ھِ تاہم مریضاں دی حالت تشویشناک ھِ ۔ کمانڈر اینڈ کنٹرول سینٹر دے مطابق ملک ءچ کورونا وائرس کیساں توں ٤٦ فیصد دا تعلق ایران ٢٧ دا دیگر ملکاں دےنال ھِ جبکہ ملک ءچ ٢٧ فیصد مریض لکل ٹرانسمیشن دا نتیجہ ھن۔