اعلی احکام مردم از سر نو مردم شماری کرن، سرائیکی دی زبان کوں پنجابی زبان لکھن افسوس ناک ھِ ، نویں سال دی مبارکباد دی تقریب اچ خطاب
کراچی(سرائیکی نیوز) نویں سال دی مبارکباد تقریب اچ فیصل شہزاد چغتائی چیئرمین اَساں سرائیکی ویلفیئر آرگنائزیشن ، انچیف ایڈیٹر سرائیکی نیوز نے شرکاء محفل دے نال خطاب کریندے ہووے آکھیا کہ وسیب اچ حالیہ تھیون والی مردم شماری دے ناں تے کھلا ڈرامہ کھیڈا گئے جو کہ سرائیکی خطے دی غیور عوام دی پہچان تے ڈکیتی ھِ مردم شماری ٹیماں نے اپنڑی مرضی نال پنجابی لکھا گئے، جیندی نشاندہی پہلے وہ ادارہ اساں سرائیکی ویلفیئر آرگنائزیشن کر چکا ھا کہ مردم شماری اچ کھلی دھاندلی تھیندی پئی ھِ گزشتہ سالہاسال توں شںاخت تے ڈکیتی ماری گئی تے سرائیکی زبان کوں جبری طور تے پنجابی لکھوایا گئیا تے مردم شماری اچ افسران کوں اے آکھیا گئیا کہ پنجاب اچ رھاون والا سبھ پنجابی ھِ اے سراسر ذیادتی تے مترادف ھِ سادہ لوح سرائیکی اپنڑیں حقوق دی جنگ گزشتہ 35 سال توں لڑدے پئن جو آندے وسیب لٹ تے کھادی ویندے انہاں کوں حق ڈیون تاں دور انہاں دی شناخت تے ڈکیتی قابل قبول کینی مردم شماری اچ پنجابیاں دی تعداد 75 فیصد توں ودھ تے سرائیکی کوں 25فیصد توں گھٹ ڈیکھاون افسوس ناک ھِ سرائیکی اکثریت اچ آباد ھن جو اپنڑی ھک علیحدہ زبان نال وابستہ، انہاں مزید آکھیا کہ اساں مطالبہ کریندے ہیں از سر نو مردم شماری کروائی ونجے سرائیکی خطے (سرائیکستان) تے تھیون والی مردم شماری ایتھاں دے مظلوم غیور عوام دی شناخت دی ڈکیتی ھِ
