تاجر برادری کوں آئی ایم ایف دی ھدایات تے بنڑائے گئے بجٹ توں معیشت متاثر تھیوݨ دا خدشہ
ماضی دی روایت دے برعکس وزیر خزانہ اسحاق ڈار نے ٩ جون کوں پیش کیتے ونجݨ والے آئندہ مالی سال دے بجٹ پاروں مشورے گھنݨ پاروں تجارت دی قیادت نال رابطہ نی کیتا۔ اخباری رپورٹ دے مطابق ھݨ ھک مہینے توں وی گھٹ ویلہ رہ گئیا ھِ کاروباری رہنماواں افسوس دا اظہار کیتا کہ پی ڈی ایم حکومت نے انہاں کوں بجٹ ٢٤ تاں ٢٠٢٣ اچ اپنڑی تجاویز کوں شامل کرݨ پاروں کہیں مشاورتی اجلاس کیتے مدعو نی کیتا۔
چنانچہ خدشہ پیدا تھئیا ھِ کہ اے آئی ایم ایف دی طرفوں طے شدہ دستاویز ہویس جئیں نال اقتصادی صورتحال مزید پیچیدہ تھئی ویسی۔ سائٹ ایسوسی ایشن آف انڈسٹری دے صدر ریاض الدین نے اخبار کوں ڈسایا کہ روایتی طور تے یکے دے بعد دیگرے آوݨ والی حکومتاں اعلی ایواناں ، تاجراں ، صنعت کاراں وغیرل نال مشاورتی اجلاس منعقد کر تے بجٹ سازی دے عمل اچ کاوباری برداری کوں شامل کریندی ھائی۔
انہاں یاد ڈیوایا کہ گزریل حکومتاں اچ اسحاق ڈار بجٹ دے اعلان توں پہل ایکوں گرینڈ فائنل قرار ڈے تے تجارتی تے صنعتی اداریاں ساراں ڈینھ گالھ مہاڑ کریندے ھن ۔ انہاں آکھیا کہ ھݨ تک اساں کوں مدعو ھی نی کیتا۔ اساکوں علم کینی کہ بجٹ آئی ایم ایف دی ڈکٹیشن تے بنڑایا ویسی یا حکومت آزادانہ طور تے اے مشق کریندے پئی ھِ
