ایم کیو ایم اساݙے نال ھِ جلد خوشخبری ملسی، پرویز خٹک

کراچی ۔ پاکستان تحریک انصاف دے سینئر رہنما تے وزیر دفاع پرویز خٹک نے قومی موومنٹ ایم کیو ایم پاکستان نال مذاکرات دے بعد آکھیا کہ مذاکرات ءچ پیش رفت تھئی ھِ جلد خوشخبری ݙیسوں، بہادر آباد ءچ ایم کیو ایم پاکستان دے مرکزی دفتر ءچ مذاکرات دے بعد میڈیا نال گالھ مہاڑ کریندے ہووے انہاں آکھیا کہ ایم کیو ایم اساݙے اتحادے ھن تے رھاسن جلد ھی خوشخبری ݙیسوں تے اساں کݙھیں جدا نی تھئی سکدے ایں حوالے نال تھوڑی بہوں غلط فہمیاں پیدا تھئی گئیاں ھن ۔ انہاں دا آکھݨ ھا کہ اج خوش اسلوبی نال اساݙی گالھ مہاڑ تھئی جو مسائل ھن او وی زیر بحث آئے تے بہوں زید اساں پھج گئے میں پورے وفد دی صورت ءچ انہاں کوں یقین ݙوینداں تے اسلام آباد ءچ جلد ملسوں جو کم تے کمی رہ گئی ھِ انشاء اللہ ایکوں پورا کریسوں ، ݙوجپے پاسے ایم کیو ایم دے کنوینئر خالد مقبول صدیقی نے آکھیا کہ اساں پی ٹی آئی دی حکومت بنڑی ھائی تاں غیر مشروط حمایت دا اعلان کیتا ھاِ پچھلے ݙینھ جئیں ویلے پریس کانفرنس کیتی تاں اساں ایں وعدے دا اعادہ کیتا ھا تے تمام مسائل توں انہاں کوں آگاہ کیتا ۔ انہاں آکھیا کہ جو مسائل سندھ دے شہری علاقیاں تے کراچی توں وابستہ ھن تے انہاں دے مسائل وی ھن جنہاں کوں پورے پاکستان دی ضرورت ھِ اساں ایں نقطہ نظر حکومت ءچ شامل تھیوݨ توں پہل پی ٹی آئی دے سامنڑیں رکھا ھا ۔ پی ٹی آئی دے وعدیاں دا حوالے ݙیندے ہووے انہاں آکھیا کہ اساݙے درمیان گالھ مہاڑ تھئی ھِ کجھ تے اتفاق تھئے تے کجھ ءچ تھوڑی تبدیلی کیتی ھِ او اساݙے مطالبے بݨ گئن تے پی ٹی آئی نے انہاں توں اتفاق کیتا تاں او وعدے بݨ گئے