کراچی ، ڈکیتی دے الزام اچ گرفتار رکشہ ڈرائیور رھائی دے بعد جاں بحق
کراچی دے ڈیفنس ھاوسنگ اتھارٹی ڈی ایچ اے اچ موبائل فون دی دکان تے ڈکیتی دے الزام اچ حراست اچ گھیدا گئیا رکشہ ڈرائیور پولیس دی حراست توں رھائی دے بعد جاں بحق تھئی گئیا۔
٣٥ سالہ رکشہ ڈرائیور عبدالرشید دے لواحقین نے میڈیا کوں ڈسایا کہ جئیں ویلے پولیس دی حراست توں رھا کیتا گئیا ھا تاں او ٹھیک نال چلݨ دے قابل نہ ھا ایں تے تشدد کیتا گئیا ھاں ،سینئر سپرنٹنڈ پولیس ایس ایس پی ساوتھ سید اسد رضا نے آکھیا کہ مسلح ڈاکوواں نے حال اچ ھی ڈی ایچ اے اچ ھک دکان تے ڈکیتی کیتے تے کئی موبائل فون چھیک گھیدے جنہاں دی مالیت ھک کروڑ رروپے ھائی۔
ایس ایس پی اسد رضا آکھیا کہ مجرماں نے ڈکیتی پاروں رکشہ استعمال کیتا ھا، سی سی ٹی وی فوٹیج دی مدد نال تفتیش کاراں نے قیوم آباد دے رھائشی رشید کوں پانجھ ڈینھ پہلے لبھ تے پکڑیا ھا ۔ انہاں آکھیا کہ رکشہ ڈرائیور بے قسور ثابت تھیا ھا کیونکہ ڈاکوواںنے رکشہ کرائے تے گھیدا ھا تے ایندے نتیجے اچ ایکوں جمعہ دی رات رھا کر ڈیتا گئیا۔
انہاں آکھیا کہ رشید دا پوسٹ مارٹم جناح پوسٹ گریجویٹ میڈیکل سینٹر اچ کیتا گئیا جیتھاں ڈاکٹراں نے کیمکل تے ھسٹو پیتھولوجیکل رپورٹ آوݨ تک موت دی وجہ محفوظ رکھی ھِ ایس ایس پی نے آکھیا کہ پولیس ڈاکٹراں دی حتمی رپورٹ دا انتظار کریندی پئی ھِ تاکہ ایں دعوے دا پتہ لایا ونج سکے کہ مقتول تے تشدد کیتا گئیا ھا۔ ھک بیان اچ جنوبی ایس ایس پی (انوسٹی گیشن ) دے تعلقات عامہ دے افسر آکھیا کہ پولیس نے رکشہ ڈرائیور دی موت دا نوٹس گھن گھیدا ۔ سرکاری بیان اچ آکھیا گئیا ھِ کہ ڈکیتی ١٢ مارچ کوں ڈی ایچ اے دے خیابان سحر تے ھک موبائل فون دی دکان تے تھئی تے گزری پولیس نے پاکستان پینل کوڈ دی دفعہ ٣٩٢ تے ٢٩٧ دے تحت مقدمہ درج کر گھیدا ھا۔
