کراچی سمیت سندھ اچ ھک واری ول مارکیٹاں رات ٩ وجے بند کرݨ دا حکم
محکمہ داخلہ سندھ توں جاری تھیوݨ والے نوٹی فکیشن دے مطابق اے پابندی سندھ بھر ١٧ جولائی توں ١٦ اگست تک ھک مہینے کیتے لائی گئی ھِ ۔ پیٹرول پمپ ، سی این جی اسٹیشنز، ہسپتال ، میڈیکل اسٹورز ، بیکری تے کھیر دی دکاناں ، ٹائر شاپس کوں ایں پابندی توں استثنی حاصل ہوسی۔ تمام شادی حالز تے بینکوئٹ اچ شادی تے دیگر تقاریب رات ساڈھے ١٠ وجے تک ختم کرݨ دا حکم ڈیتا گئیا ھِ
ایں طرح سافٹ ویئڑ بنڑاوݨ والی آئی ٹی کمپنیاں ، کال سینٹر ، کوریئر سروس تمام فیکٹریاں ، بس اڈیاں ، سبزی منڈی ، موٹروے تے موجود دکاناں ، آن لائن فوڈ ڈیلیوری تے تمام تر گوداماں اچ سامان رکھݨ تے کڈھݨ تے وی استثنی ہوسی۔ نوٹی فکیشن اچ مزید ڈسایا گئیا کہ پاکستان سیکیورٹی پرنٹنگ پریس ، نیشنل سیکیورٹی پرنٹنگ کمپنی تے وی ایں پابندی دا اطلاق نا ہوسی ، تمام ھوٹل ، ریسٹورنٹ ، کافی شاپ ، کلب ، جم سینما و دیگر تفریحی مقامات کوں رات ساڑھے ١١ قجے تک کھلے رھاوݨ دی اجازت ہوسی۔
