انسداد دھشت گردی عدالت نے عمران اسمعیل دا ٢ ڈینھ دا جسمانی ریمانڈ ڈے ڈیتا

کراچی دی انسداد دہشت گردی دی عدالت نے پاکستان تحریک انصاف پی ٹی آئی دے رہنما تے سابق گورنر سندھ عمران اسمعیل کوں ڈو ڈینھ دے ریمانڈ واسطے پولیس دے حوالے کر ڈیتا

عمران اسمعیل کوں گزریل ڈینھ ڈیفنس ھاوسنگ اتھرٹی فیز ٨ اچ انہاں دی رھائش گاہ توں گرفتار کیتا گئیا ھا ، ھک سینئر پولسی افسر دے ناں ظاہر نہ کرݨ دی شرط تے ڈسایا گئیا کہ ضلع شرقی اچ ٹیپو سلطان پولیس کوں رہنما پی ٹی آئی فسادات، آتش زنی تے دہشت گردی دے الزام اچ مطلوب ھا، سابق گورنر سندھ دیخلاف کراچیچ دے ٹیپو سلطان تھانڑیں اچ ٩ مئی کوں پیش آوݨ والے واقعات توں متعلق مقدمہ درج کیتا گئیا ھا۔

اج پولیس نے انہاں کوں انسداد دہشت گردی دی عدالت اچ پیش کیتا تے انہاں دیخلاف درج مقدمے اچ ریمانڈ دی استدعا کیتی ۔ جئیں تے عدالت نے ٢ ڈینھ دا جسمانی ریمانڈ تے پولیس دی تحویل اچ ڈے ڈیتا نال ھی انہاں کوں سوموار کوں عدالت اچ پیش کرݨ دی ھدایت کیتی ۔ خیال رھاوے کہ ٩ ئی کوں پی ٹی آئی دے حامیاں نے حسن اسکوائر ، سہراب گوٹھ تے ڈیفنس موڑ دے علاقیاں اچ مسٹر خان دی گرفتاری دیخلاف مظاہرے کیتے ھن۔ تاہم پارٹی دی قیادت نے کارکناں کوں شارع فیصل تے واقع ایندے صدر دفتر انصاف ھاوس پھجݨ کوں آکھیا جو بعد اچ میدان جنگ بݨ گئیا ھا مظاہرین کوں پولیس تے رینجرز دی بھاری نفری دا سامنڑاں کرنا پیا تے پی ٹی آئی دے سینئر رہنماواں سمیت متعدد افراد کوں حراست اچ گھن گھیدا ۔ آتش زنی دے حملیاں تے پتھراو نال ھک درج گڈیاں کوں نقصان پھجا جبکہ کراچی پولسی تے پاکستان رینجرز دی ڈو چوکیاں کوں نظر آتش کر ڈیتا گئیا تے کئی سرکاری تے نجی املاک دی توڑ پھوڑ وی کیتی گئی