اسلام آباد(سرائیکی نیوز۔ آن لائن) عالمی آن لائن ادائیگیاں دی معروف امریکی کمپنی پے پال پاکستان دی کوششاں تے دعوت دے باوجود پاکستان آوݨ توں انکاری،
نجی خبر رساں ادارے دے مطابق وزارت انفارمیشن اینڈ ٹیکنالوجی دے سیکریٹری معروف افضل نے سینیٹ دی قائمہ کمیٹی برائے آئی ٹی کوں ݙسایا کہ پے پال پاکستان ءچ مسائل دی وجہہ توں اپنڑیں سروس متعارف کرواوݨ توں انکار نی کیتا بلکہ انہاں دا سسٹم پاکستان ءچ سروس متعارف کرواوݨ کیتی ھلی تیار کینی۔ کمیٹی دا اجلاس وزارت انفارمیشن ٹیکنالوجی دے یونیورسل سروس فنڈ یو ایس ایف کیتے تھیا جیندا مقصد ملک دے دور دراز علاقیاں ءچ ٹیلی کمیونی کیشن تے براڈبینڈ سروس فراہم کرݨ ھِ اگرچہ پے پال دا معاملہ ایجنڈے ءچ شامل نی تھیا لیکن کمیٹی دے چند ممبران نے وزارت آئی ٹی تے زور ݙیتا ھِ کہ ملک ءچ پے پال سروس فراہم کرے، سیکریٹری آئی ٹی معروف افضل پے پال دے پاکستان ءچ سروسز فراہم نا کرݨ توں متعلق بریفنگ ݙیوݨ ءچ مصروف ھن تاں سینیٹر میاں محمد عتقیق شیخ نے آکھیا کہ جئیں ویلے تک ملک ءچ کمپنی دے تحفظ دے قوانین نی بنڑائے ویندے اوں ویلے تک او اپنڑی سروسز فراہم نا کریسن۔ سینیٹر رحمان ملک نے آکھیا کہ منی لانڈرنگ دا ھک مقدمہ پے پال کیتے بہوں مشکلات پیدا کر سکدے ایں واسطے کمپنی کوں حکومت دی حمایت تے ایہو جئے قوانین چاھیدے ھن جو ایندا تحفظ کرن
