پاکستان تحریک انصاف دے رکن اسمبلی قاسم نون بجلی چوری ءچ ملوث

ملتان(سرائیکی نیوز) پاکستان تحریک انصاف دے رکن قومی اسمبلی قاسم نون بجلی چوری ءچ ملوث نکلے ایم این اے رانا قاسم نونو دے خلاف مقدمہ دے اندراج کیتے تھانڑاں صدر شجاع آباد ءچ درخواست ݙے ݙیتی گئی ، تفصیل دے مطابق گزرن سال اکتوبر ءچ وزیر اعظم دی ھدایت تے وسیب ءچ بجلی چوری دیخلاف آپریشن شروع کیتا گئیا ھا ایں آپریشن دے حوالے توں منعقدہ اجلاس ءچ وزیر اعلی عثمان بزدار دا آکھݨ ھا کہ بجلی چوری روکݨ کیتے بلا امتیاز آپریشن تھیسی تے بجلی چوری دیخلاف مہم دے دوران وڈے مگرمچھاں تے ہتھ پایا ویسی انہاں آکھیا ھا کہ بجلی چوری ءچ معاونت کرݨ والے سرکاری عملے دیخلاف وی کارروائی تھیسی تے مہم دے دوران وابستگی یا دباو کوں خاطر ءچ نا گھن تے آیا ویسی ۔ انہاں آکھیا کہ وزیر اعظم عمران خان دی طرفوں بجلی چوری روکݨ کیتے مہم چلاوݨ خوش آئند ھِ او وسیب حکومت ایں قومی مہم ءچ بھر پور حصہ ملیسی، اکتوبر توں ھن تک پجاب ءچ ارباں روپے دی بجلی چوری کرݨ والیاں تے ہتھ پاتا گئے ایں حوالے نال تازہ خبر اے ھِ کہ میپکو نے تحریک انصاف دے ایم این اے رانا قاسم نون دے ڈیرے تے چھاپا مارا ھِ ایس ڈی ای او دا آکھݨ ھا کہ غیر قانونی طور تے بجلی دے کھمبے لا تے بغیر میٹر ڈیرے تے بجلی استعمال کیتی ویندی پئی ھائی غیر قانونی کنکشن کوں کٹ ݙیتا گئیا ھِ جبکہ ایم این اے رانا قاسم نونو دیخلاف مقدمے دے اندراج کیتے تھانڑاں صدر شجاع آباد ءچ درخواست ݙے ݙیتی گئی واضح تھیا کہ قاسم نون قومی اسملبی دے حلقہ ١٥٩ جلال پور توں ایم این اے منتخب تھئے ھن