کجھ لوگ پاکستان کوں تصادم دی طرف گھن تے ویندے پئن، آرمی چیف

راولپنڈی(سرائیکی نیوز) آرمی چیف جنرل قمر جاوید باجوہ دا آکھݨ ھا کہ کجھ عناصر دانستہ ونادانستہ طور تے ملک کوں تصادم دی طرف گھن تے ویندے پئن پاک فوج دے شعبہ تعلقات عامہ آئی ایس پی آر دے مطابق آرمی چیف جنرل قمر جاوید باجوہ نے ملتان چھاونی دا دورہ کیتا تے اسٹرائیک کور دی تربیتی مشقیں ڈیٹھیاں، ایں موقع تے آرمی چیف دا آکھݨ ھا کہ دہشت گردی تے انتہا پسندی دیخلاف جنگ ھالی ختم نی تھئی دہشت گردی تے شدت پسندی دی وجوھات کوں ختم کرݨ دی لوڑ ھِ انسداد دہشت گردی دے بعد استحکام کیتے آپریشن کریندے پئے ھیں انہاں دا آکھݨ ھا کہ کجھ عناصر دانستہ و دانستہ ملک کوں تصادم دی طرف گھن تے ویندے پئے ھن تاہم ریاست ءچ مذہب تے لسانیت دی بنیاد تے انتشار پھلاوݨ نا ڈیسوں، آرمی چیف جنرل قمر جاوید باجوہ دا آکھݨ ھا کہ سماجی تے اقتصادی ترقی دی کوششاں دی حمایت کریسوں کہ امن و استحکام قانون دی عملداری نال ھی ممکن ھِ