راوالپنڈی ءچ مسلسل بارش، پانڑیں گھراں ءچ وڑ گئیا، ݙو بندے جاں بحق
راوالپنڈی(سرائیکی نیوز)راوالپنڈی ءچ مسلسل بارش، پانڑیں گھراں ءچ وڑ گئیا، تفصیل دے مطابق راوالپنڈی کوں کالے جھڑاں نے گھیر گھیدا زور نال وسدا مینہ ہر گلی سیراب کر گیا ، لوگاں دے گھراں ءچ ٤ توں پنجھ فٹ تک پانڑیں وڑ گیا، ریسکیو ٹیماں ھنگامی طور تے سرگرم، لوگ اپنڑی مدد آپ دے تحت ھک ڈوجہے دی مدد کریدے پئن۔واضح رھاوے کہ محکمہ موسمیات نے طوفانی بارشاں دے بارے پہل توں آگاہ کیتا ہویا ہے تے احتیاطی تدابیر رکھݨ دی ھدایت کیتی ہوئی ہے۔ پی ڈبلیو ڈی سوسائٹی دے ھک گھر دے تہہ خانے ءچ بارش دا پانڑی ونجݨ نال مان تے بال جاں بحق تھئی گئیا ، ریسیکیو حکام نے ڈسایا کہ مرں والیاں دی شناخت ٣٠ سالہ سحرش تے ھک سال دے شاھان دے ناں توں تھئی ھِ راوالپنڈی ، اسلام آباد ءچ وقفیاں دے نال بارشاں دا سلسلہ جاری ھِ نیڑے علاقیاں ءچ پانڑیں بھر گئے ، پولیس نے مزید ڈسایا کہ ٦ بندے پانڑی ءچ ڈوب تے بے ہوس تھئی گئن لاشاں تے بے ہوش تھیوݨ والیاں کوں پمز اسپتال منتقل کر ݙیتا گئے۔
انتظامیہ نے لوگاں کوں بجلی دے کھمبیاں توں دور رھاوݨ دی ھدایت کر ݙیتی
راولپنڈی ، اسلام آباد تے نزدیکی علاقیاں ءچ مقامی انتظامیہ ریسکیو اہلکاراں نے لوگوں کو اپیل کیتی کہ کھمبیاں توں دور رھاون تے جتنا ممکن ہو سکے سیو جگہواں تے منتقل تھیا ونجے تاکہ کہ زیادہ جانی نقصان توں بچا ونج سکے۔
