اینٹی نارکوٹکس فورس دی کارروائی ، ملزم دے پیٹ توں منشیات نال بھریے کیپسول برآمد
راولپنڈی۔23ستمبر (اے پی پی) اینٹی نارکوٹکس فورس ، اسلام آباد انٹرنیشنل ائیرپورٹ تے کارروائی کرتے ملزم دے پیٹ توں 124 منشیات نال بھریے کیپسول برآمد کر ڳھدے۔ اے این ایف ترجمان دے مطابق114 کیپسولز اچوں چرس اتے 10 کیپسولز اچوں آئس برآمد تھئی اے۔ مجموعی وزن کرݨ تے چرس 734 گرام اتے آئس 69 گرام نکلی اے۔ ترجمان ٻیا ݙسیا جو ملزم خیبرایجنسی دا رہݨ آلا اے اتے اسلام آباد توں ابوظہبی ویندا پیا ہئی۔ ملزم دے خلاف انسداد منشیات ایکٹ دے تحت مقدمہ درج کرتے ٻئی تحقیقات شروع کر ݙتی ڳئی اے۔
