جنرل ندیم رضا دا آئی ایس آئی ھیڈ کوارٹر دا دورہ، سرحد تے علاقائی سلامتی پاروں بریفنگ
راوالپنڈی ۔ چیئرمین جوائنٹ چیفس آف سٹاف کمیٹی جنرل ندیم رضا، بری فوج دے سربراہ جنرل قمر جاوید باجوہ، پاک بحریہ دے سربراہ ایڈمرل ظفر محمود عباسی اتے پاک فضائیہ دے سربراہ ایئر چیف مارشل مجاہد انور خان ’ آئی ایس آئی ہیڈکوارٹردا دورہ کیتا۔ پاک فوج دے شعبہ تعلقات عامہ (آئی ایس پی آر) دے مطابق ڈی جی آئی ایس آئی لیفٹیننٹ جنرل فیض حمید ’ ڈائریکٹوریٹ جنرل آئی ایس آئی اچ چیئرمین جوائنٹ چیفس آف سٹاف اتے سروسز چیفس دا استقبال کیتا۔علاقائی سلامتی دے معاملے تے فوجی قیادت کوں لائن آف کنٹرول اتے آزاد جموں تے کشمیر دی صورتحال تے بریفنگ ڈتی گئی۔چیئرمین جوائنٹ چیفس آف سٹاف اتے سروسز چیفس ’ قومی سلامتی سانگے آئی ایس آئی دی کوششاں اتے پیشہ وارانہ تیاریاں تے اطمینان کیتا۔ اے پی پی
