میر حاصل بزنجو دی طرفوں آئی ایس آئی چیف تے الزام دے بعد ڈی جی آئی ایس پی آر میدان ءچ آ گئے
راوالپنڈی ( سرائیکی نیوز ۔ آن لائن ) چیئرمین سینیٹ بنڑݨ دا خواب ادھورا رہ ونجن تے ڈی جی آئی ایس آئی دے مداخلت دا الزام لاوݨ والے میرحاصل بزنجو دے بیان تے ڈی جی آئی ایس پی آر دا رد عمل وی آ گئیا
میر حاصل بزنجو دے بیان تے ڈی جی آئی ایس پی آر میجر جنرل آصف غفور دا اپنڑین ذاتی اکاونٹ دے بجائے پاک فوج دے آفیشل ٹویٹر اکاونٹ تے رد عمل ݙیتا ھِ میجر جنرل آصف غفور دا آکھݨ ھِ کہ سینیٹر میر حاصل بزنجو دی طرفوں ملک دے پریمیئر ادارے دے سربراہ تے الزام عائد کرݨ انتہائی ناپسندیدہ ھِ ، انہاں دی طرفوں عائد کیتے گئے الزامات بے بنیاد ھن ، ڈی جی آئی ایس پی آر دا مزید آکھݨ ھا کہ ذرا جئے سیاسی مفاد کیتے جمہوریت کوں بدنام کرݨ جمہورت دی کوئی خدمت کینی۔ واضح رھاوے کی چیئرمین سینیٹ صادق سنجرانی دیخلاف عدم اعتماد ناکام تھیوݨ تے اپوزیشن امیدار میر حاصل بزنجو نے الزام عائد کیتا ھا کہ اپوزیشن دے جو ١٤ لوگاں نے قرار داد دی مخالفت ءچ ووٹ ݙیتے ھن او جنرل فیض حمید دے بندے ھن
