کراچی، ٹریفک پولیس دا ھک مہینے ءچ ٢ لکھ ٣٦ ھزار موٹرسائیکلاں بند تے چالان ریکارڈ

کراچی(سرائیکی نیوز)کراچی، ٹریفک پولیس دا ھک مہینے ءچ ٢ لکھ ٣٦ ھزار موٹرسائیکلاں بند تے چالان ریکارڈ،

تفصیل دے مطابق شہر قائد دی ٹریفک پولیس نے گزرن مہینے جی داری دا مظاہرہ کریندے ہووے ٢ لکھ ٣٦ ھزار موٹر سائیکلاں بند کیتیاں تے ساڑھے ٥ کروڑ روپے دے چالان کیتے ، ٹریفک پولیس حکام دے مطابق ھک مہینے ءچ ٹریفک پولیس دی طرفں چالان دی مد ءچ آج تک اتنی وݙی رقم جمع نی کیتی گئی ۔ ٹریفک پولیس دی طرفوں جاری کیتے گئے اعداد وشمار دے مطابق کراچی ءچ ٹریفک پولیس نے ضلع ایسٹ ، ویسٹ ، ساوتھ ، ستی ، ملیر تے کورنگء ءچ ھک مہینے ءچ ٹریفک قوانین دی خلاف ورزی تے چالاناں دی مد ءچ ٥ کروڑ ٤٨ لکھ ٤٨ ہزار ٧٠٠ روپے جمع کیتے۔

خیال رھاوے کہ ڈی آئی جی ٹریفک نے گزرن ݙینھ کراچی ءچ ھیلمنٹ نا پاوݨ تے ٹریفک قوانین تورݨ والیاں دیخلاف سخت مہم دا آغاز کیتا ھا ایں مہم دے دوران لاہور دے وانگوں موٹر سائیکل چلاوݨ والے شہریاں کوں سستی قیمت ءچ ھیلمنٹ وی ݙیتے گئے ۔ پولیس نے صرف ١٠ ݙینھ ءچ ون وے دیخلاف ورزی کرݨ تے ٦٥ لکھ روپے ھیلمنٹ نا پوݨ والیاں تے ٣ لکھ ٦٥ ھزار روپے توں زائد چالان کیتے ، کراچی ءچ ٹریفک قوانین دیخلاف ورزی تے ٢ لکھ ٣٦ ھزار موٹر سائیکلاں ضبط وی کیتیاں۔