آرمی چیف جنرل قمر جاوید باجوہ دا بدین دے سیلاب متاثرہ علاقیاں دا دورہ
راولپنڈی (اے پی پی):پاک فوج دے سربراہ جنرل قمر جاوید باجوہ خمیس کوں بدین دے سیلاب توں متاثرہ علاقیں دا دورہ کیتے ۔ آرمی چیف ریلیف تے میڈیکل کیمپس اچ سیلاب متاثرہ لوکاں دے نال وقت گزاریا ،انہاں ملکانی ضلع بدین اچ پاک فوج دی ریلیف اتے ریسکیو سرگرمیاں اچ مصروف جواناں دے نال ملاقات کیتی ۔ آئی ایس پی آر موجب ایں موقع تے آرمی چیف بدین اتے ایندے نیڑے سیلاب زدہ علاقیں دا فضائی جائزہ وی ڳھدا۔
انہاں کراچی اچ کاروباری برادری دے نال وی ملاقات کیتی ۔آرمی چیف آپݨے خطاب اچ آکھیے جو مختلف قدرتی آفات بشمول ملک اچ اڄوکے سیلاب دے دوران کاروباری برادری مدد کیتی اے ۔ کاروباری برادری محفوظ ماحول ݙیوݨ تے معاشی خوشحالی کیتے پاک فوج دیاں قربانیاں دا اعتراف کریندے ہوئیں سیلاب متاثرین دی بھر پور معاونت جاری رکھݨ دا یقین ݙیوئے ۔
