پاکستان اچ سیلاب دے اثرات نال نمٹݨ کیتے طویل المدتی اقدامات و حمایت دی لوڑھ اے، وزیر خارجہ بلاول بھٹو زرداری دا او آئی سی کونسل دے وزرائے خارجہ رابطہ اجلاس نال خطاب
اقوام متحدہ۔23ستمبر . وزیر خارجہ بلاول بھٹو زرداری آکھیے جو پاکستان اچ َآوݨ آلے تباہ کن سیلاب دے اثرات نال نمٹݨ، متاثرین دی بحالی و آباد کاری، تباہ شدہ انفراسٹرکچر دی تعمیر نو سانڳے پاکستان کوں ڄڳ دے ہتھ ونڈاوݨ دی لوڑھ اے، ایں سانڳے طویل المدتی اقدامات کرݨے ہوسن۔ اے ڳالھ انہاں نیویارک اچ اقوام متحدہ دی جنرل اسمبلی دے 77 ویں اجلاس دے موقع تے تھیوݨ آلی او آئی سی کونسل دے وزرائے خارجہ سالانہ رابطہ اجلاس نال خطاب اچ آکھی۔انہاں اجلاس دے شرکا کوں سیلاب دی سؤرتحال ݙسیندے ایندے نال تریمتیں اتے ٻالاں کوں بطور خاص درپیش صحت دے مسلیاں بارے چنتا ݙسایا۔ انہاں آکھیا جو سیلاب نال سندھ، بلوچستان، کے پی کے اتے جنوبی پنجاب دے اضلاع متاثر تھین، پاݨی لہوݨ اتے بحالی اچ کئی مہینے لڳسن، ڄڳ کوں ترقی پذیر ملکاں کوں اینڄھیاں آفتاں نال نمٹݨ کیتے یکجہتی دے نال نال طویل المدتی منصوبہ بندی دے تحت اقدامات اچ ہتھ ونڈاوݨا چاہیدے۔ سیلاب توں بعد خوراک و ادویات دی کمی، وبائی امراض ودھݨ، بحالی و آباد کاری وݙے مسائل ہین ایں سانڳے حکومت ودھ اقدامات کریندی پئی اے۔
