عالمی بینک دا پنجاب حکومت کوں سیلاب متاثرین کیتے 35 ملین ڈالر ݙیوݨ دا اعلان
لاہور۔23ستمبر(اے پی پی) عالمی بینک پنجاب حکومت کوں سیلاب متاثرین کیتے 35 ملین ڈالر ݙیوݨ دا اعلان کیتے۔ اے اعلان لاہور اچ وزیراعلیٰ پنجاب پرویزالہٰی اتے عالمی بینک دے کنٹری ڈائریکٹر دی ملاقات اچ کیتا ڳئے۔ ایں موقع تے سابق وفاقی وزیر مونس الٰہی وی موجود ہن۔ ملاقات اچ مختلف شعبیاں اچ ݙوطرفہ تعاون تے وی اتفاق تھئے۔ وزیراعلیٰ پنجاب آکھیے جو 35 ملین ڈالر پنجاب احساس پروگرام دے تحت سیلاب زدگان کوں ونݙیے ویسن، پنجاب اچ صحت، تعلیم اتے عوامی فلاح سانڳے عالمی بینک دا تعاون قابل تعریف اے۔ وزیر اعلیی وفد کوں پنجاب اچ تعلیمی اصلاحات پروگرام، مفت تعلیم، شعبہ صحت اچ اقدامات سودھا سیلاب متاثرین دی امداد و بحالی سانڳے جامع پلان دا ݙسایا۔
