کراچی ءچ سال دا تتا ݙینھ ، پارہ 45 ڈگری تک پھج گئیا

کراچی(سرائیکی نیوز۔ محمد رمضان سونترا) کراچی ءچ اج سال دا گرم ترین ݙینھ ھِ تے شہار دا درجہ حرارت ٤٥ ڈگری تک پھج گئیا ھا ۔ محکمہ موسمیات نے اج وی سورج دے خطرناک ارادیاں دی پیشن گوئی کریندے ہووے آکھیا ھِ کہ کراچی ، لاہور ، فیصل آباد ، ملتان ، حیدر آباد ، سکھر تے لاڑکانہ سمیت کہیں شہاراں ءچ اج وی موسم شدید گرم تے خشک رھاسی۔ محکمہ موسمیات دے مطابق ملک دے مختلف شہاراں ءچ شدید گرمی ریکارڈ کیتی گئی ھِ جیندے ءچ سب توں زیادہ گرمی سندھ دے شہار لاڑکانہ ءچ ریکارڈ کیتی گئی ھِ جیتھاں پارا 47 ڈگری تک ونج پھجے ایندے علاوہ کراچی ءچ اج سال دا گرم تین ڈینھ ھِ تے پارہ 45 ڈگری تک ونج پھجیا ھِ تے ہوا ءچ نمی دا تناسب 7 فءصد ھِ