عمران خان نیازی نے کراچی کیتے ١٠ نکاتی منشور پیش کر ݙیتا

کراچی(سرائیکی نیوز۔جلیل احمد لاشاری) پاکستان تحریک انصاف (پی ٹی آئی ) دے چیئرمین عمران خان نے اقتدار ءچ آ تے کراچی وکں بلا تعطل بجلی فراہم کرݨ ڊا عزم ظاہر کریندے ہووے شہار دی ترقی کیتے اپنڑیں ١٠ نکات پیش کر ݙیتے ۔ کراچی ءچ جلسہ عام نال خطاب کریندے ہووے عمران خان نے آکھیا کہ کراچی منی پاکستان ھِ جئیں ویلے کراچی اتے ویسی تاں پاکستان وی اُتے ویسی تے اساں سبھ مل تے ایں ملک دی تقدیر بدل سکدے ھیں انہاں دا آکھن ھا کہ کراچی او شہر ھا جیتھاں دے لوگ چھٹیاں گزارن آندے ھن ماضی ءچ کراچی یچ ھک محفوظ ترین شہار ھا

لیکن نفرت دی سیاست نے کراچی کوں تباہ کر ݙیتا ۔ عمران خان نیازی نے آکھا کہ میں کراچی دی ترقی کیتے اج اپنڑیں ١٠ نکات ݙیندا پیا تے اے ١٠ نکات کراچی کوں عظیم شہار بنڑا ݙیسن۔ چیئرمین پی ٹی ائی نے کراچی کیتے سبھ توں پہلا نکتہ انتظامی امور رکھا تے آکھیا کراچی دا پہلا مسئلہ پانڑی دا ھِ تے ھک طاقت ور میئر پانڑیں دا مسئلہ حض کروا سکدا ھِ جیندے کیتے شہریاں دے میئرز دا براہ راست انتخاب کرایسوں تے کراچی دا انتظامی نظام بدل ڈیسوں ڈوجہہ نکتہ بیان کریندے ہووے انہاں آکھیا کہ سرکاری سکولاں کوں بحال کرویسوں تے سرکاری اسکولاں دے نظام کوں بہتر بنڑیسوں جبکہ کراچی ءچ عالمہ سطح دیاں یونیورسٹیاں قام کریسوں۔ انہاں دا آکھن ھا کہ کراچی دا تریجھا مسئلہ سرکاری ہسپتالاں دا ھِ ہسپتالاں دا نظام بہتر کیتا ویسی ۔ عمران خان نے اپنڑاں چوتھا نکتی کراچی ءچ پولیس دے نظام توں متعلق ھِ پولیس کو غیر سیاسی کریسوں، بھرتیاں میرٹ تے تھیسن انہاں دا آکھݨ ھا کہ کراچی والیاں کوں رینجرز دی ضرورت نا ہوسی ۔ کیونکہ پولیس توں کم کرویسوں

چیئرمین پی ٹی آئی نے اپنڑاں پنجھواں نکتی بیان کریندے ہووے آکھیا کہ بیرون ملک توں کراچی ءچ کاروبار گھن تے آسوں کراچی ءچ کاروبار آسی۔ دبئی ملائشیاں سمیت دیگر ملکاں توں سرمایہ کاری کرویسوں ، چھٹا نکتی پیس کریندے ہوون انہاں آکھیا کہ بجلی دی چوری ختم کریسوں تے سستی بجلی فراہم کریسوں۔ عمران خان نے آکھیا کہ میرا ستواں نکتہ نوجوان توں متعلق ھِ کراچی ءچ نوجواناں کیتے روزگار دے موقع فراہم کریسوں۔

تے نوجواناں کیتے کھیڈ توں متعلق سہولیات فراہم کریسوں ۔ انہاں اپنڑیں اٹھویں نکتے ءچ آکھیا کہ کراچی ءچ شجر کاری مہم چلیسوں ماحول دی بہتری کیتے خیبر پختونخان ءچ بہوں کم کیتا ھِ تے درخت نا لائے گئے تاں ماحولیاتی تبدیلی دے اثرات پاکستان کیتے نقصان دہ ھوسن انہاں آکھیا کہ سیوریج دا پانڑی سمندر ءچ نا ڈھاوݨ ڈیسوں ، ری سائیکل کر تے قابل استمال بنڑیسوں۔ عمران خان نے آکھیا کہ کراچی ءچ ٹریفک دا مسئلہ بہوں وڈا مسئلہ ھِ ایندے کیتے اساڈا نواں نکتہ ھِ کہ کراچی ءچ سرکلر ریلوے دی بحال ءچ کردار ادا کریسوں۔ پی ٹی آئی دے چیئرمین نے اپنڑیں آخری نکتے ءچ آکھیا کہ کراچی توں بے روزگاری کوں جڑ توں پٹ ݙیسوں تے نوجواناں کیتے کھیڈ توں متعلق سہولتاں فراہم کریسوں۔