میڈیا لوگاں کوں ڈراوݨ دی بجائے زیادہ توں زیادہ اگاہی ݙیووے
میڈیا لوگاں کوں ڈراوݨ دی بجائے زیادہ توں زیادہ اگاہی ݙیووے
کراچی ۔ میڈیا لوگاں کوں ڈراوݨ دی بجائے زیادہ توں زیادہ اگاہی ݙیووے، تفصیل دے مطابق چیئرمین اے ایس ڈبلیو او فیصل شہزاد چغتائی نے کورونا وائرس توں متعلق تھیوݨ والی ھک آگاہی تقریب ءچ گالھ مہاڑ کریندے ہووے آکھیا کہ میڈیا جتنی تیزی دے نال لوگاں کوں ڈراوݨ ءچ لگیا ھِ ایندے نال لوگ مزید نفسیاتی بݨ ویسن، میڈیا دا کردار ہمیشہ تسلی تے مثبت راہ تے ٹرݨ ہوندے، انہاں آکھیا کہ سویر توں شام تک ہر چینل تے نیوز پیپلر ءچ کورونا وائرس دے بارے خبراں شائع کیتی ویندیاں پیاں ھن لی بجائے ایندے کے لوگاں کوں ایں وائرس توں بچاو دے بارے احتیاطی تدابیر تے آگاہی فراہم کیتی ونجے انہاں آکھیا کہ اے معاملے ءچ ریڈیو اسٹیشن چلاوݨ والے ھاسٹ نمبر گھن گئن او ݙینھ رات بہتر انداز ءچ آگاہی ݙیندے پئن ۔ انہاں مزید آکھا کہ ایتھاں تاں کہیں کوں اگر پتہ لگ ونجے کہ کوئی مجبور ھِ تا اوندی کھل لہا ݙیتی ویندی ھِ لوگ پہلے مہنگائی توں مرے پئن اُتوں کراچی ءچ لگݨ والے بازاراں دا بند تھیوݨ ، ذہن کو سکون ݙیوݨ سانگے جو لوگ پارکاں یا سمندر دا منہ کریندن انہاں تے او در بند کرݨ ݙیون مناسب رستہ کینی۔ اساں ھک مسلم ریاست دے باشندے ہیں تے لوگاں کوں مذہبی محفلاں دے انعقاد تے اجتماعی دعاوواں دی بجائے انہاں کوں محفلاں توں ھٹکݨ افسوس ناک ھِ اگر لوگ اپنڑیں رب سے سامنڑیں التجا نا کریسن تے کیندے سامنڑیں کریسن، کورونا دی تشہیر کرݨ والے چینل جانڑدن کہ مال ملنے ایں سانگے ھݨ ہر ݙینھ کیس دی تعداد ودھائی ویندن۔ انہاں آخیر ءچ حکمران اعلی توں گزارش کیتی کہ متاثر تھیوݨ والے مریضاں کوں وݙے شہراں دے اعلی ہسپتالاں ءچ علاج معالجے کیتے داخل کیتا ونجے تاکہ اع جلد صحت یاب تھئی تے گھر ونجن ناکہ وسیب دے ہسپتالاں منتقل کر ݙیتا ونجے جیتھاں عام لوگ علاج دی خاطر ویندن لیکن واپس نی ولدے ۔انہاں مزید اکھیا کہ حکومت ایمرجنسی بنیاداں تے جگہوں بند کرݨ دی بجائے پبلک پلیس بازاراں ءچ کیمپ لاوے جیندے ءچ لوگاں دی مفت اسکیننگ کیتی ونجے کراچی وانگوں شہار ءچ وݙے ہسپتالاں ٹیسٹ دی فیس ٦ توں ٨ ھزار رکھی ہوئی ھِ ایں ویلے فارما دے پیشے نال جڑے لوگاں نے ماسک محفوظ کر کے رکھ گھیدے ۔ تے پنجھ روپے ءچ ملݨ والا ماسک اج نایاب ھِ ۔ انہاں لوگاں توں گزارش کیتی کہ ماسک دا استعمال او کرے جئیں کوں فلو نزلہ زکام دی شکایت ہووے تاکہ اوندے جراثیم توں عام لوگ محفوظ رہ سکن۔ دین ءچ صفائی نصف ایمان ھِ زیادہ توں زیادہ صاف ستھرا رھو تے اللہ دی بارگاہ ءچ نماز ادائیگی کیتی ونجے۔
