کراچی ، بالڑی دی ہلاکت دیخلاف احتجاج تے پولیس دی فائرنگ، ١ شخص جاں بحق ، ٣ زخمی
کراچی(سرائیکی نیوز۔محمد رمضان سونترا) اورنگی ٹاون ءچ چھی سالہ بالڑی دی ہلاکت دے خلاف احتجاج کرݨ والیاں تے پولیس نے گولیاں وسا ݙیتیاں جیندے نتیجے اچ ھک بندہ جاں بحق جبکہ ٣ زخمی تھئی گئے تفصیل دےمطابق کراچی دے علاقے منگھوپیر اچ چھی سالہ بالڑی رابعہ کوں اغواء و زیادتی دے بعد قتل دیخلاف بالڑی دے گھر والیاں تے اہل علاقہ ملزمان دی عدم گرفتاری تے وڈی تعداد ءچ گھروں نکل آئے تے احتجاج کریندے ہووے کٹی پہاڑی دی طرف ونجن والی سڑک ٹریفک کیتے بند کر ݙیتی پولیس نے علاقہ کلیئر کرواوں کیتے آپریشن کیتا تاں علاقہ میدان جنگ بݨ گئیا پولیس نے مظاہرین کوں منتشر کرݨ کیتے آنسو گیس دی شیلنگ کیتی تے انہاں تے براہ راست فائرنگ کر ݙیتی جیندے نتیجے ءچ ھک شخص جاں بحق جبکہ ٣ بندے زخمی تھئی گئے
واضح رھاوے کہ گزرن ڈینھ منگھو پیر کچرا کنڈی توں ھک چھی سالہ بالڑی دی لاش ملی ہائی جیندی شناخت رابعہ دے ناں دے نال تھئی ھائی۔ پولیس دے مطابق بالڑی دے والد نے تھانڑاں اورنگی ٹاون اچ گمشدگی دا مقدمہ درج کرایا ھا بالڑی دے والد دی طرفوں نامزد کیتے گئے تریھ ملزمان توں ٢ کوں گرفتار کر گھیدا گئیا جبکہ بالڑی دی لاش دے ڈین این اے نمونے وی گھن گھیدے گئے تاکہ رپورٹ ءچ زیادتی دی تصدیق تھئی سکدے ملزمان تا تریجھا شاتھی فرار ھِ جیندی تلاش جاری ھِ تے چھاپے مارے ویندے پئے ھن
