کراچی(سرائیکی نیوز۔فیصل شہزاد ) سابق چیئرمین سینیٹ رضا ربانی نے آکھیا ھِ کہ کنٹریکٹ لیبر ضیاء الحق ڊا ٹحفہ ھِ مزدوراں کوں تقسیم کرݨ کیتے کنٹریکٹ لیبر دی اصلاح سامنڑیں گھن آئی گئی ۔ وزیر اعلی ہاوس ءچ تقریب توں خطاب دے دوران رضا ربانی نے آکھیا کہ بے نظیر بھٹو دا ناں ہٹا تے اسلام آباد ایئر پورٹ دے افتتاح ڊی مذمت کریندے ھیں۔ سول ایوی ایشن دے کجھ بابووں کوں بے نظیر بھٹو دا ناں پسند نا ھا ، پاکستان ھن تک اپنڑی سمت تے شناخت دا تعین نی کر سکیا۔
انہاں آکھیا کہ کے ای ایس سی دی نجکاری ءچ پیپلز پارٹی نے مخالفت کیتی ھائی کے الیکٹرک دی نجکاری دا تجربہ ناکام تھیا قائد اعظم نے پاکستان کیتے پروگریسو ریاست دا تصور ݙیتا ھا ۔ قیام پاکستان دے وقت مزدور تحاریک دا تعلق بائیں بازوں نال ھا ۔ انہاں دا آکھن ھا کہ کنٹریکٹ لیبر ضیاء الحق دا تحفہ ھن ۔ مزدوراں کوں تقیسم کرݨ کیتے کنٹریکٹ لیبر دی اصطلاح سامنڑیں گھن تے آئی گئی۔
رضا ربانی نے آکھیا کہ وفاق دی سطح تے یکسوئی نال ھی مزدوراں کوں حقوق مل سکدے ھن مزدور حقوق کیتے سیاسی جماعتاں کوں مشترکہ ایجنڈے تے متفق تھیونڑاں ہوسی۔ سیاسی جماعتاں وی کوآُپریٹ بنڑدیاں ویندیاں ھن ۔ ایوان ءچ مزدوراں دے اپنڑے نمائندے ہونڑیں چاھیدے ھیں۔ انہاں مزید آکھیا کہ نجکاری پوری دنیا ءچ ناکام تھئی چکی ھِ ݙو وفاقی اداریاں دی لڑائی دا خمیازہ کراچی والیاں نے لوݙ شیڈنگ دی صورت ءچ بھگتنڑاں ھِ
