کراچی (سرائیکی نیوز۔ محمد رمضان سونترا) پاکستان تے ویسٹ انڈیز سیریز دیاں تیاریاں عروج تے ھن ٹریفک پولیس نے ٹریفک پلان کوں حتمی شکل ݙے ݙیتی ٹریفک پلان دے مطابق میچز دے روز شارع فیصل تے کارساز توں نیشنل اسٹڈیم ونجن والیاں سڑکاں ٹریفک واسطے بند ہوسن تے گڈیاں کوں ڈرگ روڈ ت اوتھاں توں راشد منہاس روڈ دی طرف بھیجا ویسی۔ ٹریفک پولیس دی طرفوں ترتیب ݙیتے گئے پلان دے مطابق راشد منہاس روڈ توں براستہ ڈالمیا روڈ اسٹیڈیم ونجن والی سڑکاں وی بند رکھیاں ویسین تے نیپا توں مزاد قائد تک یونیورسٹی روڈ تے نیو ایم اے جناح روڈ وی بند رھاسی ۔ ٹریفک پولیس دا آکھن ھا کہ لیاقت آباد ١٠ نمبر توں نیشنل اسٹیڈیم ونجن والی سڑک ٹریفک کیتے بند ہوسی تے اوتھوں آون والی ٹریفک کوں کریم آباد تے عائشہ منزل دے پاسے موڑ ویسی ۔ ڈی آئی جی ٹریفک عمران یعقوب منہاس آکھیندے ھن کہ سڑکاں بند کرݨ دے اوقات اچ تبدیلی دا مقصد عوا م کوں سہولتاں فراہم کرݨ ھِ
ٹریفک پولیس دے مطابق میچ ڈیکھن کیتے آون والیاں کیتے ست مخصوص جگہاواں تے پارکنگ رکھی گئی ھِ جیندے اچ گلشن اقبال حکیم سعید گراونڈ، اردو یونیورسٹی گراونڈ ، سنڈے بازار گراونڈ ، ڈالمیاں روڈ تے غریب نواز فٹ بال گراونڈ ، کشمیر روڈ تے کے ایم سی گروانڈ ، کے ڈی اے کلب تے چائنہ گراونڈ شامل ھن ، پارکنگ ایریا اچ شائقین کیتے بھاون کیتے کیمپاں اچ کرسیاں تے واک تھرو گیٹس لائے ویسن۔
