راوالپنڈی (سرائیکی نیوز) ڈی جی آئی ایس پی آر نے آکھیا ھِ کہ بھارت دی طرفوں سیز فائر دی خلاف ورزی نال امن کوں نقصان پھجدا پیا ھِ خطے اچ امن ، معاشی ترقی کیتے پاکستان دا کردار اہم ھِ پاکستان دی امن دی خواہش کوں بھارت کمزوری نا سمجھے امریکا ھک سپر پاور ھِ اے ایک حقیقت ھِ ڈی جی آئی ایس پی آر میجر جنرل آصف غفور نے پریس کانفرنس کریندے ہووے آکھیا کہ امریکا ھک سپر پاور ھِ اے ھک حقیقت ھِ تاہم باہمی تعلقات اچ بہوں کجھ کرن دی ضرورت ھِ دنیا جیو پالیٹکس نال جیواکونمی دی طرف ودھدی پئی ھِ انہاں نے واضح کیتا کہ پاکستان دا مثبت کردار نا ہوندا تاں امریکا اتنا سپر پاور نا ہوندا، بھارت دے نال تعلقات دے حوالے نال ڈی جی آئی ایس پی آر نے آکھیا کہ خطے اچ امن ، معاشی ترقی کیتے پاکستان دا کردار اہم ھِ بھارت کوں اساݙا شکر گزار ہونڑاں چاھیدا ھِ انہاں آکھیا کہ پاکستان نے خطے اچ امن کیتے ہر ممکن کوشش کیتی ، میجر جنرل آصف غفور نے واضح کیتا کہ ایل او سی تے اشتعال انگیزی نال سویلیں دا نقصان تھیا ھِ سیز فار دی خلاف ورزی نال امن کوں نقصان پھجدا پئے بھارت دی طرفوں سیز فائر دی خلاف ورزیاں اچ اضافہ تھیا ھِ انہاں نے مزید آکھیا ایل او سی دے معاملے تے بھارت کوں ذمہ داری دا مظاہرہ کرنا چاھیدے سی پیک توں متعلق انہاں نے آکھیا کہ کوشش ھِ کہ سی پیک دا فائدہ پورے خطے کوں ہووے ، سی پیک تے شک کرکرن نال اساݙی امن دیاں کوششاں تے دباو آسی
ّڈی جی آئی ایس پی آر نے آکھیا کہ آرمی چیف دے دورہ ایران دے بعد پاک ایران بارڈر کوآرڈی نیشن بہتر تھئی ، دوبارڈرکراسنگ کھولݨ تے گالھ تھیندی پئی ھِ اسدورے دے بلوچستان تے مثبت اثرات نظر آندے پئے ھن انہاں ڈسایا کہ پاکستان سعودی عرب دا ١٩٨٢ توں ڈو طرفوہ سیکیورٹی معاہدہ ھِ اساݙے دستے ٹریننگ کیتے سعودی عرب اچ موجود ھن مزید دستے بھیجن کیتے مشاورت ایں معاھدے دے تحت جاری ھِ صرف سعودی عرب توں نی دیگر خلیجی مالک نال معاھدے ھن ایران دے پائلٹس ایں ویلے وی پاکستان اچ زیر تربیت ھن ڈی جی آئی ایس پی آر نے قبائلی علاقے دی صورتحال متعلق آکھیا کہ فاٹا دی صورتحال مستحکم تھئی ھِ بلوچستان اچ سول گورنمنٹ قیادت کریندی پئی ھِ بلوچستان دے حالات بہتر تھئے ھن آون والے ڈینھاں اچ صورتحال بہتر ہوسی، اٹھ مہینے توں فوج دی توجہ بلوچستان تے مرکزو ھَ
