بل گیٹس مائیکروسافٹ دے بورڈ آف ڈائریکٹر توں علیحدہ تھئی گئے

ٹیکنالوجی دی دنیا دی مشہور و معروف کمپنی مائیکروسافٹ نے اعلان کیتا ھِ کہ کمپنی دے شریک بانی تے دنیا دے امیر ترین بندیاں ءچوں ھک بل گیٹس فلاحی کاماں تے مزید توجہ ݙیوݨ کیتے بورڈ آف ڈائریکٹر توں دستبردار تھئی گعے ۔ ٦٤ سالہ بل گیٹس نے روز مرہ امور دی انجام دہی کیتے ھک دھائی پہل ہی ترک کر ݙیتی ھائی تاکہ او اپنڑیں بیوی ملینڈا دے نال شروع کیتی گئی فاونڈیشن دے کماں تے توجہ ݙے سکن، بل گیٹس ٢٠١٤ تک مائیکروسافٹ دے بورڈ آف ڈائریکٹراں دے چیئرمین دی حیثیت نال خدمات انجام ݙیندے رھن تے ھݨ او مکمل طور تے مائیکروسافٹ توں الگ تھئی گئے ھن