قرآن مجید دی توہین، سویڈش وزارت خارجہ نے مافی منگ گھیدی
اسٹاک ہوم، وزیر خارجہ دے معاون نے معافی منگدے ہووے آکھیا کہ ایں واقعے اچ ملوث بندے دیخلاف قانونی کاررائی کیتی ویسی، سویڈن دے نائب وزیر خارجہ جان نٹسن نے جمعہ دے ڈینھ اسٹاک ہولم اچ عراقی سفارتخانے کوں پیغام بھیجیندے ہووے ایں ملک اچ قرآن پاک دے نسخے کوں نذر آتش کرݨ دے دلی افسوس دا اظہار کیتا۔
ایں پیغام اچ سویڈن دی وزارت خارجہ نے اعلان کیتا ھِ کہ او کہیں وی اسلام مخالف اقدام دی شدید مخالفت کریندی ھِ تے سویڈن دی حکومت وی مزکورہ بندے دے اقدام دے حوالے نال نسل پرستانہ جرائم دے قانون دی بنیاد تے تحقیق کرݨ کیتے پر عزم ھِ
ایں بیان اچ سویڈن دی حکومت دا دعوی کیتا ھِ کہ او سٹاک ہولم دی مرکزی مسجد (او جاء یتھاں قرآن پاک کوں ساڑھا گئیا ھا) دے گرد حالیہ اجتماع دے موجود لوگاں دے خیالات دی حمایت نی کیتی تے ایں سلسلے اچ سویڈن تے دیگر ممالک دے مسلماناں دے مجرو جذبات کوں سمجھدی ھِ
خیال رھاوے کہ سویڈش حکومت دا اے بیان ایں واقعے دے بعد سامنڑیں آئے جیندے اچ ایں ملک دی پولیس نے ایں ملک اچ مقیم ھک پناہ گزین کوں اجازت نامہ جاری کرݨ دے نال حفاظتی معاونت فراہم کر تے قرآن پاک دی بے حرمتی اچ کلیدی کردار ادا کیتا۔ عراقی وزارت کارجہ نے مرکوزہ خبر کوں اپنڑیں ویب سائٹ تے شائع کریندے ہووے اعلان کیتا ھِ کہ سوئڈش وزارت خارجہ دا اے پیغام اسلامی تعاون تنظیمد ے رکن ممالک دے نمائندوں کوں بھیجا گئیا ھِ یاد رھاوے کہ گزریل ڈینھ عراقی وزارت خارجہ نے سویڈن دے سفیر کوں طلب کریندے ہووے قرآن پاک دی ھِ حرمتی تے بغداد دی تشویش نال انہاں کوں آگاہ کیتا ھا ۔
