متحدہ مجلس عمل بحال، مولانا فضل الرحمان صدر منتخب

کراچی(سرائیکی نیوز۔ ذیشان حیدر) مذہبی سیاسی جماعتاں تے مشتمل سیاسی اتحاد متحدہ مجلس عمل کوں بحال کر ݙیتا گئیا جیندا صدر مولانا فضل الرحمن کوں منتخب کیتا گئیا ھِ کراچی اچ پریس کانفرنس دے دوران جماعت اسلامی دے رہنما لیاق تبلوچ نے متحدہ مجلس عل ایم ایم اے دی بحالی دا اعلان کر ݙیتا لیاق بلوچ نے ایم ایم اے دی مرکزی قیادت توں آگاہ کریندے ہوئے ڈسایا کہ جمعیت علمائے اسلام ف دے سربراہ مولانا فض الرحمان کوں ایم ایم اے دا صدر منتخب کیتا گئیا ھِ جبکہ لیاقت بلوچ جنرل سیکریٹری منتخب تھئے ھن۔ ایم ایم اے دے جنرل سیکریٹری لیاقت بلوچ نے آکھیا کہ متحدہ مجلس عمل دا مرکزی ورکرز کنونشن اپریل دے پہلے ہفتے اچ منعقد کیتا ویسی۔ ایں موقے تے پریس کانفرنس اچ ایم ایم اے دے نو منتخب صدر مالانا فض الرحمن نی آکھیا کہ پوری قوم کوں ایم ایم دی بحالی دی مبارک باد پیش کرینداں اج اساں نویں سفر دے آغاز دا عہد کر ݙیتا ھِ کوشش کریسوں کہ قوم دی امیداں تے پورا لہاوں۔ انہاں آکھیا کہ ہر سطح تے ایم ایم اے اچ تنظیم سازی تھیسی ، آندہ انتخابات ایم ایم اے دے پرچم تلے لڑسوں، اساں ملک اچ نویں سیاست دا آغاز کرن ویندے پئے ھیں اساں کوں امن تے خوشحالی دی ضرورت ھِ امیر جماعت اسلامی سراج الحق دا آکھن ھا کہ ایم ایم اے عام شہریاں دی ترجمانی کریسی۔ اساں ھک نویں عزم دے سفر دا آغاز کریندے پئے ھیں