وفاقی وزیر ریلوے شیخ رشید احمد خان دا آکھݨ ھ کہ ایں ویلے تمام تر اختلافات ختم کر تے اساں کوں ھک تھیونڑاں چاھیدا ھِ کیونکہ اکتوبر نومبر ءچ پاک ۔ بھارت جنگ تھیندے ݙیکھدا پیا ھاں، راوالپنڈی ءچ تقریب نال خطاب کریندے ہووے شیخ رشید احمد دا آکھݨ ھا کہ کشمیر دا فیصلہ کشمیریاں دی جدوجد نے کرنا ھِ میں کڈھیں نریندر مودی کوں سمجھݨ ءچ غلطی نی کیتی ، ٢٣ ݙینھ توں ہٹلر تے خوانخوار مودی دی وجہہ نال کشمیر توں بارود دی بدبو آندی پئی ھِ سفاک مودی دنیا ءچ عجیب سما بنڑائی بیٹھے انہاں آکھیا کہ سلامتی کونسل نے مسئلہ حل نی کیتا اگر او سنجیدہ ہوندی تاں رائے شماری تھئی چکی ہوندی بھارت دے ٢٥ کروڑ مسلمان اج پاکستان دی طرف ݙیکھدے پئے ھن اج اساں کشمیریاں دے نال مونڈا رلا تے چلنا ھِ ورنہ تاریخ اساں کوں معاف نا کریسی۔
شیخ رشید دا آکھݨ ھا کہ ذھنی پستی دا شکار مودی دے راستے ءچ ھک ہی رکاوٹ ھِ او پاکستان مودی کوں افغانستان تے دیگر ملکاں ءچ ونجن کیتے کوئی رکاوٹ نی چاھندا پاکستان تے بھارت دے درمیان ١٠ جنگاں تھئی چکیاں ھن یا تھیوݨ دے قریب پھج تے واپس لوٹے ھن کشمیر اتنی لمبی لڑائی لڑدے پئے ھن لیکن عالمی اداریاں دیاں زباناں بند تھئی چکیاں ھن انہاں دا آکھݨ ھا کہ تمام اختلاف رائے ختم کر تے اساں کوں ھک تھیونڑاں چھایدا ھِ کیونکہ اکتوبر نومبر ءچ پاک ، بھارت جنگ تھیندے ݙیکھدا پیاں
